ప్రముఖ కోలీవుడ్ హీరో ఆది పినిశెట్టి, హీరోయిన్ నిక్కీ గల్రానీ కలిసి త్వరలోనే పెళ్లి పీటలెక్కబోతున్నారు. కొంతకాలంగా రిలేషన్‌షిప్‌లో ఉన్న వీరివురు పెళ్లిబంధంతో ఒక్కటి కాబోతున్నారు. అయితే, వీరిద్దరూ డేటింగ్ చేస్తున్నారంటూ వచ్చిన రూమర్స్‌పై ఎప్పుడూ స్పందించని ఆది, నిక్కీలు సైలెంట్‌గా ఎంగేజ్మెంట్ చేసుకున్నారు. ఇందుకు సంబంధించిన ఫోటోలను వారు సోషల్ మీడియాలో పోస్టు చేశారు.
2015లో విడుదలైన ‘యాగవరైనమ్‌ నా కక్కా’ అనే తమిళ చిత్రంలో ఆది పినిశెట్టి, నిక్కీ గల్రానీ కలిసి నటించారు. ఈ చిత్రం తెలుగులో ‘మలుపు’ పేరుతో విడుదలైంది. ఆ తర్వాత ‘మరగాధ నాణ్యం’ (తెలుగులో ‘మరకతమణి’) మూవీ షూటింగ్ అప్పుడు పరిచయం ప్రేమగా మారింది. ఆ ప్రేమ ఇప్పుడు ప్రణయానికి దారి తీసింది. అయితే, వీరిద్దరి మధ్య ప్రేమాయణం సాగుతుందని సోషల్ మీడియాలో రకరకాల ఊహాగానాలు వినిపించాయి. అయితే ఈ అంశంపై వీరిద్దరూ అధికారికంగా స్పందించలేదు.
‘నా జీవితంలో చెప్పుకోదగ్గ మంచి విషయం ఏంటంటే.. కొన్నేళ్ల క్రితం మేం ఒకరికీ, మరొకరం పరిచయం అయ్యాం. ఇరు కుటుంబాల సమక్షంలో మా నిశ్చితార్థం మార్చి 24న ఘనంగా జరిగింది. కొత్త ప్రయాణాన్ని మొదలుపెట్టబోతున్నాం. అందుకు మీరందరూ ఆశీస్సులు, దీవెనలు అందించాలి’అని ఆది సోషల్ మీడియా ద్వారా ఆది కోరారు. ఇప్పుడు వీరి ఎంగేజ్మెంట్ ఫోటోలు సోషల్ మీడియాలో వైరల్ అవుతున్నాయి.
ఆది పినిశెట్టి. ‘గుండెల్లో గోదారి’ చిత్రంతో టాలీవుడ్ ప్రేక్షకులకు చేరువయ్యాడు. ‘సరైనోడు’, ‘నిన్నుకోరి’, ‘రంగస్థలం’, ‘గుడ్‌లక్ సఖి’ వంటి చిత్రాలతో అభిమానులను అలరించాడు. నిక్కీ గల్రానీ తెలుగులో సునీల్ సరసన ‘కృష్ణాష్టమి’ చిత్రంలో నటించింది.
The best thing to hold onto in life is each other.
We found each other a couple of years ago & it’s official now💍
24.3.22 was really special to us.
We got engaged in the presence of both our families🌸
Seeking all you love & blessings as we take on this new journey together🙏🏻♥️ pic.twitter.com/hrMbxieCAn— Nikki Galrani (@nikkigalrani) March 26, 2022
Advertisements
