ప్రముఖ తెలుగు రియాలిటీ టీవీ షో ‘డ్యాన్స్ ఇండియా డ్యాన్స్’ త్వరలోనే ముగియనుంది. జనవరి 22న ఈ షో గ్రాండ్ ఫినాలే ప్రసారం కానున్నట్లు సమచాారం. అయితే ఆసక్తికరంగా ఈ షో ఫినాలేకు హీరో అక్కినేని అఖిల్ చీఫ్ గెస్ట్‌గా వస్తున్నాడు. ఇందుకు సంబంధించిన ప్రోమో విడుదలైంది.
అఖిల్ స్టైల్‌గా షోలోకి ఎంటరైన వీడియో చూసి ఫ్యాన్స్ ఎంజాయ్ చేస్తున్నారు. అఖిల్ ఎంట్రీ ఇస్తుంటే అక్కడున్న కంటెస్టెంట్లతో పాటు జడ్జీలు కూడా ఉత్సాహంగా అరుస్తున్నారు. అఖిల్ లుక్ చూసి అక్కడున్న వారితో పాటు ప్రోమో చూసిన ఫ్యాన్స్ కూడా హ్యాపీగా ఉన్నారు. రిలీజ్ కోసం ఎదురుచూస్తోన్న ‘ఏజెంట్’ లుక్‌లో అఖిల్ చాలా స్టైలిష్‌గా ఉన్నాడు.
ముగ్గురు జడ్జీల్లో ఒకరైన హీరోయిన్ ఆనంది.. అఖిల్‌ను చూసి తెగ బ్లష్ అయింది. “అఖిల్‌ని ఇలా చూస్తుంటే ఇంత త్వరగా పెళ్లి చేసుకున్నందుకు బాధపడుతున్నా” అంటూ కాంప్లిమెంట్ ఇచ్చింది. ఇది విన్న అఖిల్ తెగ సిగ్గుపడ్డాడు. మొత్తానికి ప్రోమోతో షోకు బాగా హైప్ వచ్చింది. అక్కినేని ఫ్యాన్స్ అయితే దిల్ ఖుష్ అయ్యారు. మరోవైపు జబర్జస్త్ రోహిణి.. ‘అయ్యగారే నం.1’ అంటూ చెప్పడంతో అఖిల్ సహా అక్కుడున్నవారంతా తెగ నవ్వుకున్నారు.
సూపర్ స్టార్ మహేష్ బాబుతో పాటు అతని కుమార్తె సితార కూడా గతంలో ఈ షోలో మెరిశారు. గత ఏడాది సెప్టెంబర్లో మహేష్ ఈషోలో పాల్గొన్నాడు. మహేష్ బాబు.. రియాలిటీ షోలో కనిపించడం ఇదే ఫస్ట్ టైమ్. ఆ టైమ్‌లో ఈ షోకు టీఆర్‌పీ రేటింగ్స్ కూడా గట్టిగానే వచ్చాయి.
యాంకర్ అకుల్ బాలాజీ హోస్ట్ చేస్తోన్న “డాన్స్ ఇండియా డ్యాన్స్” గత ఏడాది ఆగస్ట్ 21న స్టార్ట్ అయింది. ఈ షోకు ప్రముఖ కొరియోగ్రాఫర్ బాబా భాస్కర్, నటి సంగీత, హీరయిన్ ఆనంది జడ్జీలుగా ఉన్నారు. జబర్దస్త్ రోహిణి కూడా ఈ షోలో ఉంది. మణిశర్మ, నందమూరి బాలకృష్ణ కూడా ఈ షోలో గతంలో మెరిశారు.
మరోవైపు ‘ఏజెంట్’ మూవీతో అఖిల్ రానున్నాడు. యాక్షన్ థ్రిల్లర్‌గా డైరెక్టర్ సురేందర్ రెడ్డి ఈ సినిమాను తెరకెక్కిస్తున్నాడు. ఇప్పటికే ఈ మూవీకి సంబంధించి కొన్ని పోస్టర్స్, టీజర్ రిలీజైంది. సిక్స్ ప్యాక్‌తో కనిపించిన అఖిల్ ప్రమాదకర యాక్షన్ స్టంట్స్ చేస్తూ అందులో కనిపించాడు. ఈ మూవీలో అఖిల్‌కి జోడీగా సాక్షి వైద్య నటిస్తోంది. అలానే మలయాళ మెగాస్టార్ మమ్ముట్టి ఒక ప్రధాన పాత్రలో నటిస్తున్నారు.
వక్కంతం వంశీ ఈ మూవీకి కథని అందించగా.. హిప్ హాప్ తమిళన్ మ్యూజిక్ డైరెక్టర్‌గా వ్యవహరిస్తున్నాడు. ఏకే ఎంటర్‌టైన్మెంట్స్ బ్యానర్‌పై అనిల్ సుంకర ఈ మూవీని నిర్మిస్తున్నాడు. కిక్ మూవీతో వెలుగులోకి వచ్చిన సురేందర్ రెడ్డికి ఆ తర్వాత కొన్ని చేదు అనుభవాలు ఎదురైనా.. మెగాస్టార్ చిరంజీవి ‘సైరా నరసింహా రెడ్డి’ మూవీతో మళ్లీ జోరందుకున్నాడు. దాంతో ఈ ఏజెంట్‌పై ఇప్పటికే అంచనాలు పెరిగిపోయాయి. వాస్తవానికి ఈ మూవీ గత ఏడాదే రిలీజ్ అవుతుందని అక్కినేని అభిమానులు ఆశించారు. కానీ వాయిదాలు పడుతూ వస్తోంది.