హుక్కా పార్లర్ లకు తెలంగాణ హైకోర్టు గ్రీన్ సిగ్నల్ ఇచ్చింది. షరతులతో కూడిన అనుమతిని మంజూరు చేసింది. అలాగే హుక్కా పార్లర్ యజమానులను వేధించవద్దని పోలీసులను ఆదేశించింది. హైదరాబాద్ లోని ప్రతిష్టాత్మక లాంజ్ హుక్కా అండ్ కేఫ్ చాంద్రాయగుట్ట యజమాని తరపున న్యాయవాది అబీబ్ అబూ బకర్ దాఖలు చేసిన రిట్ పిటిషన్ ను విచారిస్తూ ధర్మాసనం పై ఆదేశాలు జారీ చేసింది.
హుక్కా పార్లర్ ను నిర్వహించడానికి ప్రత్యేక లైసెన్స్ పొందాల్సిన అవసరం లేదన్నారు. అయితే అదే చట్టం ప్రకారం హైకోర్టు తన ఉత్తర్వుల్లో పేర్కొంది. రెస్టారెంట్లు, ఫలహారశాలలు 30 కంటే ఎక్కువ సీట్ల సామర్థ్యంతో, రెస్టారెంట్ల యజమానులు వినియోగదారులకు ప్రత్యేక మూలలో పొగ త్రాగడానికి అనుమతించవచ్చని హైకోర్టు వెల్లడించింది.
అలాగే ధూమపానం, హుక్కా కోసం వేర్వేరు ప్రాంతాలను కలిగి ఉన్న రెస్టారెంట్ యజమానులు స్టేషన్ హౌస్ ఆఫీసర్ కు నివేదించాలని తెలిపింది. తద్వారా వారు కేటాయించిన ప్రాంతంలో నిర్వహించే కార్యకలాపాలపై తనిఖీ చేయవచ్చు.
నిబంధనలకు విరుద్ధంగా ఏమైనా జరుగుతున్నాయా లేదా అని సెర్చ్ చేయవచ్చు. ఏమైనా అవకతవకలు జరిగితే ఉన్నతాధికారుల దృష్టికి తీసుకెళ్లి విచారణ జరిపి తగు చర్యలు తీసుకోవాలని వెల్లడించింది తెలంగాణ హైకోర్టు.