ఇఫ్లూలో బోధన సిబ్బంది నియామకాలకు హైకోర్టు పచ్చజెండా ఊపింది. అలాగే ఇంటర్వ్యూలు నిర్వహించి ఫలితాలు వెల్లడించేందుకు ఇఫ్లూకి హైకోర్టు అనుమతి ఇచ్చింది. గతేడాది 58 అధ్యాపక ఉద్యోగాల భర్తీకి ఇఫ్లూ నోటిఫికేషన్ ఇచ్చింది. అయితే ఓబీసీల రిజర్వేషన్లలో అన్యాయం జరిగిందని బీసీ కమిషన్ లో దాసోజు శ్రవణ్ పిటిషన్ వేశారు.
ఇఫ్లూ నియామక ప్రక్రియపై గతంలో స్టే ఇచ్చింది జాతీయ బీసీ కమిషన్. కాగా జాతీయ బీసీ కమిషన్ ఉత్తర్వులను హైకోర్టులో సవాల్ చేసింది ఇఫ్లూ. అయితే స్టే ఇచ్చే అధికారం జాతీయ బీసీ కమిషన్ కు లేదని హైకోర్టు వెల్లడించింది. ఓబీసీ రిజర్వేషన్ల వివాదంపై మేం ఎలాంటి అభిప్రాయం వ్యక్తం చేయడం లేదని హైకోర్టు తెలిపింది. ఓబీసీ రిజర్వేషన్ల వివాదంపై విచారణ ప్రక్రియ కొనసాగించవచ్చని హైకోర్టు తెలిపింది.
