తాను హిందువునని అయితే ఇప్పటి వరకు బీఫ్(గో మాంసం) తినలేదని కర్ణాటక కాంగ్రెస్ నేత, మాజీ ముఖ్యమంత్రి సిద్ధ రామయ్య అన్నారు. తాను కావాలనుకున్నప్పుడు బీఫ్ తింటానని ఆయన అన్నాడు.
రాష్ట్రంలో గోమాంసం తినడంపై ప్రభుత్వం నిషేధం విధించింది. దీంతో ఈ నిర్ణయంపై ఆయన విమర్శలు చేశారు. తనకు ఇష్టం అనిపిస్తే గోమాంసం తింటానని, ఆ విషయంలో అడగడానికి మీరెవరంటూ బీజేపీ నేతలను ఆయన ప్రశ్నించారు.
బీఫ్ కేవలం ఒక వర్గం వారు మాత్రమే తింటారా? అని ప్రశ్నించారు. ఈ రోజుల్లో హిందువులు, క్రిస్టియన్లు కూడా గోమాంసం తింటున్నారని ఆయన పేర్కొన్నారు. అసెంబ్లీలో కూడా ఈ విషయాన్ని ఒకసారి చెప్పినట్టు గుర్తు చేశారు.
మతాల మధ్య చిచ్చు పెట్టేందుకు ఆర్ఎస్ఎస్ ప్రయత్నిస్తోందన్నారు. బీఫ్ తినడం ఒక ఆహారపు అలవాటు అని, అది కేవలం ముస్లింలు మాత్రమే తింటారని అనుకోవడం అవివేకం అన్నారు. తాజాగా ఆయన వ్యాఖ్యలు వివాదాస్పదం అవుతున్నాయి.
