తెలంగాణలో పది రోజుల్లో ఏడుగురు కుర్రోళ్ళు..అందరూ 30 ఏళ్ల లోపు వారే.. ఫిట్ గా ఉన్నోళ్లు..తాగుడు లేదు..సిగరెట్లు లేవు..అందరూ కుర్రోళ్ళు.. దమ్ముంటే గుండెలపై కొట్టురా..అన్నంత ధీమాగా ఉండాల్సినోళ్ల గుండెలు. ఒక్కసారిగా ఆగిపోతున్నాయి. నడుస్తూ ఒకరు చనిపోతే…జిమ్ లో ఎక్సర్ సైజ్ చేస్తూ మరొకరు.. డాన్స్ చేస్తూ ఒకరు.. కాలేజీలో నడుస్తూ మరొకరు..
ఇలా తెలంగాణాలో పది రోజుల్లోనే ఏడుగురు కుర్రోళ్ళు గుండె పోటుతో చనిపోయారు. మరి గతంలో గుండెపోటులు లేవా? ఇప్పుడే కొత్తగా వచ్చాయా అంటే భిన్న వాదనలు వినిపిస్తున్నాయి. గతంలోనూ ఉన్నాయి కాకపోతే 40 ఏళ్ళు , 50 ఏళ్ళ తర్వాత ఎక్కువగా ఉండేవి… ఇప్పుడు అలా లేకపోవటమే ఆందోళనకు గురి చేస్తుంది.
18 ఏళ్ల కుర్రోడికి గుండెపోటు ఏంటి … ఎలాంటి అలవాట్లు లేని… ఫిట్ గా ఉన్న 25 ఏళ్ల కానిస్టేబుల్ జిమ్ చేస్తూ కుప్ప కూలి పడిపోవటం ఏంటి..19 ఏళ్ల కుర్రోడు చలాకీగా డాన్స్ చేస్తూ గుండె నొప్పితో మరణించటం ఏంటి … ఇలాంటివే ఇప్పుడు అందర్నీ కలతకు గురి చేస్తున్నాయి. ఈ కుర్రోళ్లకు ఏమైంది…. గట్టిగా ఉండాల్సిన గుండెలు… సడెన్ గా ఆగిపోవటం ఏంటి?
తెలంగాణలో వరుసగా జరుగుతున్న పరిణామాలు భయాందోళనకు గురి చేస్తున్నాయి. గుండెపోటు మరణాలు గతంలోనూ ఉన్నాయి . కాకపోతే పెద్ద వయస్సు వారికే ఉండేవి… ఇప్పుడు అది 30 ఏళ్ల లోపు కుర్రాళ్లకు రావటమే అంతు చిక్కటం లేదు.
ఇక బీహార్ లో డీజే సౌండ్ ను తట్టుకోలేక పెళ్ళి వేదికపైనే పెళ్ళి కొడుకు కుప్పకూలిపోయాడు. ఏపీలోని ఒంగోలులో వాకవారిపాలెంలో ప్రభుత్వ ప్రాథమిక పాఠశాలలో విద్యార్థులకు పాఠాలు చెబుతూ.. మాస్టారు గుండెపోటుతో ప్రాణాలు వదిలాడు. అయితే టెన్షన్, ఒత్తిడి, మానసిక సంఘర్షణలు.. ఇలాంటి కారణాలతో గుండెపోటు వస్తుందని చెబుతున్నారు డాక్టర్లు.
ఇది నిజమే కావచ్చు కానీ … గుండె ఆగిపోయేంత టెన్షన్ తో వారు ఒత్తిడి ఎదుర్కొంటున్నారా అనేది ప్రశ్న . పదిరోజుల్లో ఏడుగురు కుర్రోళ్ళు… అందులోనూ 30 ఏళ్లలోపు వాళ్ళు కార్డియాక్ అరెస్ట్ తో చనిపోవటం అనేది తీవ్రంగా ఆలోచించాల్సిన అంశమే. .. యువతను అలర్ట్ చేయాల్సిన అవసరం ఎంతైనా ఉంది. కార్డియాక్ అరెస్ట్ ఎందుకు వస్తుంది.. ఎలా వస్తుంది..తీసుకోవలసిన జాగ్రత్తలు ఏంటి …అనే విషయాలపై అందరికి అవగాహన కల్పించాల్సిన అవసరం ఎంతైనా ఉంది.