భార‌త భూభాగానికి ఆనుకోని ఉన్న దాదాపు అన్ని దేశాల‌కు భార‌త్ వ్యాక్సిన్ ఎగుమ‌తి చేయ‌నుంది. స‌రిహ‌ద్దు దేశాలతో మిత్ర‌బంధం బ‌లోపేతంలో భాగంగా భూటాన్, మాల్దీవ్స్, బంగ్లాదేశ్, నేపాల్, మ‌య‌న్మార్ దేశాల‌కు భార‌త్ లో త‌యార‌వుతున్న కోవిషీల్డ్ వ్యాక్సిన్ డోసులు అంద‌నున్నాయి.
దేశంలో జ‌నాభాకు వ్యాక్సిన్ అవ‌స‌రం దృష్ట్యా ఇత‌ర దేశాల‌కు వ్యాక్సిన్ ఎగుమ‌తిపై కేంద్రం ఇప్ప‌టికే నిషేధం విధించింది. అయితే, మిత్ర‌దేశాల‌కు కొన్ని డోసుల‌ను ఉచితంగా పంపిణీ చేయ‌నుంది. భూటాన్ 1,50,000డోసుల‌ను మొద‌ట‌గా అందుకోనుండ‌గా, ఆ త‌ర్వాత 1,00,000డోసుల‌ను మాల్ధీవ్స్ బుధ‌వార‌మే అంద‌నున్నాయి. ఇక గురువారం సాయంత్రం నాటికి బంగ్లాదేశ్, నేపాల్ కు వ్యాక్సిన్ డోసుల‌ను పంపేందుకు కేంద్రం అంగీక‌రించింది.
భూటాన్ రాజ ప్ర‌భుత్వం విజ్ఞ‌ప్తి మేర‌కు ఉచిత డోసులు పోను… మ‌రో 501కోట్ల రూపాయ‌ల‌తో వ్యాక్సిన్ కొనుగోలు చేయ‌నుండ‌గా, మ‌ల్ధీవ్స్ మ‌రో 3ల‌క్ష‌ల వ్యాక్సిన్ల‌ను కొనుగోలు చేయ‌నుంది. ఇందుకోసం వ్యాక్సిన్ మైత్రీ అని పేరు పెట్టారు. ఇక శ్రీ‌లంక, అఫ్ఘ‌నిస్తాన్ దేశాలు కోరితే పంప‌టానికి కూడా ఇండియా సిద్ధంగా ఉన్న‌ట్లు దౌత్య అధికారులంటున్నారు.
దీంతో ఒక్క పాక్ మిన‌హా భార‌త్ తో స‌రిహ‌ద్దు పంచుకుంటున్న అన్ని దేశాలు వ్యాక్సిన్ మైత్రీ బంధాన్ని కొన‌సాగించ‌నున్నాయి.
India is deeply honoured to be a long-trusted partner in meeting the healthcare needs of the global community. Supplies of Covid vaccines to several countries will commence tomorrow, and more will follow in the days ahead. #VaccineMaitri https://t.co/9Czfkuk8h7
— Narendra Modi (@narendramodi) January 19, 2021
