భారతదేశంలో మొదటిసారి సూపర్గర్ల్ కథాంశంతో విజువల్ వండర్గా రాబోతున్న చిత్రం ఇంద్రాణి. వినూత్న తరహాలో భారీ వీఎఫ్ఎక్స్తో తెరకెక్కుతోన్న ఈ చిత్రం ద్వారా స్టీఫెన్ దర్శకుడిగా పరిచయమవుతున్నారు. యానియా భరద్వాజ్, కబీర్ సింగ్, ఫ్రణిత జిజిన ప్రధాన పాత్రల్లో నటిస్తున్నారు. ఇంద్రాణి మూవీ ఈ రోజు హైదరాబాద్లో పూజా కార్యక్రమాలతో ఘనంగా ప్రారంభమైంది. ముహూర్తపు సన్నివేశానికి నరేష్ విజయకృష్ణ క్లాప్ కొట్టగా నిర్మాత బెక్కం వేణుగోపాల్ కెమెరా స్విఛాన్ చేశారు. ఈ సందర్భంగా ఏర్పాటు చేసిన విలేఖరుల సమావేశంలో ఇంద్రాణి మోషన్పోస్టర్ను తుంబాడ్(హింది) దర్శకుడు రాహి అనిల్ బార్వే విడుదల చేశారు.
ఈ సందర్భంగా సీనియర్ నటుడు నరేష్ మాట్లాడుతూ ఫస్ట్ ఇంద్రాణి టీమ్ అందరికీ కంగ్రాచ్యులేషన్స్…మోషన్ పోస్టర్ చూడగానే గూజ్బమ్స్ వచ్చాయి. స్టీపెన్, స్టాన్లీ నాకు దాదాపు ఎనిమిదేళ్లుగా తెలుసు. చాలా కచ్చితత్వం ఉన్న వ్యక్తులు. పక్కా ప్రణాలికతోనే ముందుకు వెళ్తారు. మంచి మనుషులు మంచి కాన్సెప్ట్తో వస్తున్నారు. ఈ సినిమా అన్ని భాషల్లో విజయం సాధించాలని కోరుకుంటున్నాను అన్నారు.
అలాగే నిర్మాత బెక్కం వేణుగోపాల్ మాట్లాడుతూ పక్కా కంటెంట్ ను నమ్మి చేస్తున్న చేస్తున్న చిత్రమిది. మోషన్పోస్టర్ అద్భుతంగా ఉంది. ఈ సినిమాను అన్ని భాషల్లో విడుదల చేయాలని ప్లాన్ చేస్తున్నారు..కొత్తదనం కోసం ప్రయత్నం చేస్తున్న ఈ సినిమా తప్పకుండా విజయవంతం అవ్వాలని కోరుకుంటున్నాను అన్నారు.
యానియా భరద్వాజ్ మాట్లాడుతూ ఇంద్రాణి పాత్రే నన్ను సెలక్ట్ చేసుకుంది. ఈ సినిమాలో నాకు మంచి రోల్ ఇచ్చిన దర్శక, నిర్మాతలకు ధన్యవాదాలు. తప్పకుండా ఈ సినిమా మీ అందరికీ నచ్చుతుంది అన్నారు.
చిత్ర దర్శకుడు స్టీఫెన్ మాట్లాడుతూ – ఈ సినిమా కోసం చాలా హార్డ్ వర్క్ చేశాను. చిన్నపిల్లలందరికి ఇండియాలో సూపర్ హీరో లేరు. ఈ సినిమా రిలీజ్ తరువాత ఇంద్రాణి గురించి దేశం మొత్తం మాట్లాడుకుంటారు. ఇది ఫుల్ ఎంటర్టైన్మెంట్ తో వస్తున్న పక్కా మాస్ మార్వెల్ సినిమా. అన్ని రకాల కమర్షియల్ అంశాలు ఉంటాయి. ప్రపంచం మొత్తం ఇంద్రాణి వైపు చూసేలా క్రియేటివ్ వరల్డ్ లా ఈ సినిమాను భారీ బడ్జెట్, హై టెక్నికల్ వ్యాల్యూస్తో రూపొందింస్తున్నాం. ఇంద్రాణి పాత్రలో డిఫరెంట్ షేడ్స్ ఉంటాయి. వాటన్నింటికి యానియా భరద్వాజ్ ప్రోఫైల్ సరిగ్గా సరిపోవడంతో లీడ్ క్యారెక్టర్కు ఆమెను సెలక్ట్ చేసుకోవడం జరిగింది. ఈ సినిమా కోసం మార్షల్ ఆర్ట్స్ లో శిక్షణ తీసుకుంది. యామిని యాక్షన్ ఎపిసోడ్స్ ప్రేక్షకుల్ని తప్పకుండా అలరిస్తాయని అన్నారు.