భార‌త‌దేశపు మొట్ట‌మొద‌టి సూప‌ర్ గ‌ర్ల్ మూవీ ఇంద్రాణి షూటింగ్ ప్ర‌స్తుతం హైదరాబాద్.. ప‌రిస‌ర ప్రాంతాల్లో శరవేగంగా జరుగుతోంది. వినూత్న త‌ర‌హాలో భారీ వీఎఫ్ఎక్స్‌తో తెర‌కెక్కుతోన్న ఈ చిత్రంతో స్టీఫెన్ ద‌ర్శ‌కుడిగా ప‌రిచ‌య‌మ‌వుతున్నారు. ఈ సినిమాలో యానియా భ‌రద్వాజ్‌, క‌బీర్ దుహాన్‌ సింగ్ ప్ర‌ధాన పాత్ర‌ల్లో న‌టిస్తున్నారు.
ఈ చిత్రాన్ని అక్టోబర్ 27న ప్రపంచవ్యాప్తంగా తెలుగు, తమిళం, హిందీ, కన్నడ మరియు మలయాళ భాషల్లో రిలీజ్ చేయ‌డానికి ప్లాన్ చేస్తున్నారు మేకర్స్.
అయితే 2 సంవత్సరాలకు పైగా జ‌రిపిన ప్రీ-ప్రొడక్షన్ వ‌ర్క్, డీటైల్డ్ యాక్షన్ కొరియోగ్రఫీ, ప్రీ-విజువలైజేషన్‌తో VFX ప్లానింగ్ సినిమాను మ‌రింత వేగంగా చిత్రీకరించడానికి ఎంత‌గానో ఉప‌యోగ‌ప‌డుతున్నాయన్నారు డైరెక్టర్.
పార్ట్ 1 మేకింగ్ వీడియోను విడుదల చేసిన దర్శకుడు, రాబోయే వీడియోలలో మరిన్ని అద్భుతమైన యాక్షన్ స్టంట్‌లను విడుదల చేయనున్నట్లు తెలిపారు.ఇంద్రాణి మొదటి మహిళా యాంటీ గ్రావిటీ మరియు జీరో-గ్రావిటీ ఫిల్మ్ అని మేకర్స్ పేర్కొన్నారు.