బ్రాండెడ్ ఫోన్స్ కేరాఫ్ అడ్ర‌స్ ఆపిల్ మ‌రో కొత్త ఫోన్ ను లాంచ్ చేసింది. ఐఫోన్ లో 13 సిరీస్ ను మార్కెట్ లోకి విడుద‌ల చేసింది. కాలిఫోర్నియా స్ట్రీమింగ్ వర్చువల్ లాంచ్ ఈవెంట్లో ఐఫోన్ 13 సిరీస్ లో నాలుగు మోడల్స్ ను రిలీజ్ చేశారు. ఐపోన్ 12 లైనప్ తర్వాత 2021లో ఐఫోన్ 13 సిరీస్ అద్భుతమైన ఫీచర్లతో రిలీజ్ అయ్యింది.
ఐఫోన్ 13 సిరీస్‌లో iPhone 13, iPhone 13 mini, iPhone 13 Pro, iPhone 13 Pro Max రిలీజ్ కాగా, అన్నింట్లో iOS 15 ఆపరేటింగ్ సిస్టమ్ ఉంటుంది. 128జీబీ, 256జీబీ, 512జీబీల్లో ఈ ఫోన్స్ అందుబాటులోకి రానున్నాయి. వీటి ధ‌ర 699డాల‌ర్ల నుండి 799డాల‌ర్ల వ‌ర‌కు ఉంటుంద‌ని కంపెనీ వ‌ర్గాలు ప్ర‌క‌టించాయి. అంటే ఇండియ‌న్ క‌రెన్సీలో దాదాపు 70వేల నుండి ల‌క్ష రూపాయ‌ల వ‌ర‌కు ఉంటుంద‌న్న మాట.
ఇండియా, అమెరికా, బ్రిట‌న్ స‌హా మొత్తం 17 దేశాల్లో ఈ iphone 13 ప్రీ ఆర్డ‌ర్స్ స్టార్ట్ అయ్యాయి.
