‘రావణాసుర’తో అభిమానులను అలరించడానికి రడీ అయ్యాడు మాస్ మహరాజ రవితేజ. సుధీర్ వర్మ దర్శకత్వం వహిస్తోన్న ఈ సినిమా త్వరలోనే ప్రేక్షకుల ముందుకు రానుంది. ఆల్రెడీ విడుదలైన ‘రావణాసుర’ పాటలు, టీజర్ ప్రేక్షకులను ఆకట్టుకున్నాయి. అలాగే ఈ సినిమా తర్వాత టైగర్ నాగేశ్వరావు అనే సినిమా చేస్తున్నాడు.
అయితే ఇప్పుడు రవితేజ ఓ యంగ్ హీరోతో కలిసి మల్టీస్టారర్ చేస్తున్నారని తెలుస్తోంది. ఓ యంగ్ అండ్ టాలెంటెడ్ డైరెక్టర్ ఈ సినిమాను తెరకెక్కిస్తున్నాడని తెలుస్తోంది. ఇప్పటికే ఆ దర్శకుడు ఇద్దరు హీరోలకు కథ చెప్పాడట. ఇద్దరికీ కథ నచ్చడంతో గ్రీన్ సిగ్నల్ కూడా ఇచ్చారట.
ఆ యంగ్ హీరో శర్వానంద్ అని తెలుస్తోంది. ప్రస్తుతం శర్వా వరుస ఫ్లాప్ లతో ఉన్నాడు. ఈ మధ్యలో చేసిన ‘ఒకేఒక జీవితం’ సినిమా ఒకహిట్టు కొడదామని ట్రై చేసినప్పటికీ సాలిడ్ గా సక్సెస్ కాలేకపోయింది.
దీంతో శర్వానంద్ ఇప్పుడు రవితేజతో కలిసి చేసే సినిమా పైనే ఆశలు పెట్టుకున్నాడు. ఈ క్రేజీ కాంబోలో సినిమా నెక్స్ట్ లెవల్ లో ఉంటుందన్నది ఇండస్ట్రీ టాక్. మరి స్క్రీన్ మీద ఎలా ఉంటుందో చూడాలి.