5జీ స్పెక్ట్రమ్‌పై కొత్త రచ్చ మొదలైంది. 5G నెట్ వర్క్ కు సంబంధించి బ్రాడ్ బ్యాంక్ ఇండియా ఫోరమ్ అంటే బీఐఎఫ్. అమెజాన్ ఇండియా, మెటా, టీసీఎస్, ఎల్ & టీ వంటి కంపెనీల సర్వీస్ ప్రొవైడర్ల మధ్య వివాదం జ‌రుగుతోంది. బీఐఎఫ్ లో పాలుపంచుకున్న కంపెనీలు, ప్రభుత్వం.. ప్రపంచంలోని తరహాలో భారతదేశంలో నేరుగా స్పెక్ట్రమ్ ఇవ్వాలని.. దానిపై అతితక్కువ అడ్మినిస్ట్రేటివ్ ఫీజులను తీసుకోవాలని కోరుతున్నాయి.
పబ్లిక్ నెట్‌వర్క్‌లతో తమకు ఎలాంటి సంబంధం లేదని.. దేశ భద్రతకు ఎలాంటి ముప్పు లేదని కూడా ఈ కంపెనీలు పేర్కొంటున్నాయి. అంతేకాకుండా.. వాటి ద్వారా ప్రభుత్వానికి కూడా చాలా ఆదాయం అభిస్తుంది. దీనికి విరుద్ధంగా, సెల్యులార్ ఆపరేటర్స్ అసోసియేషన్, టెలికాం ఆపరేటర్ల సంస్థ, ఈ ప్రైవేట్ ఎంటర్‌ప్రైజెస్ క్యాప్టివ్ నెట్‌వర్క్‌లను ఏర్పాటు చేసుకోవడానికి అనుమతించినట్లయితే.. టెలికాం ఆపరేటర్లు వ్యాపారం చేయడం అనవసరమని స్పష్టంగా పేర్కొంది.
బ్యాక్ డోర్ ద్వారా టెలికాం వ్యాపారంలోకి ప్రవేశించేందుకు ఈ కంపెనీలను అనుమతించరాదని సీఓఏఐ చెప్తోంది. దీనిపై టెక్ కంపెనీలు స్పందిస్తూ.. 5జీ నెట్‌వర్క్‌ను పొందడం వల్ల టెలికాం ఆపరేటర్లకు ఆదాయాన్ని కోల్పోతారనే సిద్ధాంతం నకిలీదని పేర్కొంది. స్పెక్ట్రమ్ ను ప్రైవేట్ కంపెనీలకు ప్రత్యేకంగా కేటాయించాలని ట్రాయ్‌ కోరింది.
కానీ.. డిపార్ట్‌మెంట్ ఆఫ్ టెలికాం అంటే DoT దానిని తిరస్కరించింది. ప్రైవేట్ సంస్థలు టెలికాం ఆపరేటర్ల నుంచి స్పెక్ట్రమ్‌ను లీజుకు తీసుకోవాలని DoT విశ్వసిస్తోంది. అయితే.. దీనిపై మంత్రివర్గంలోనే తుది నిర్ణయం తీసుకోనున్నట్టు తెలుస్తోంది. ప్రభుత్వం DoT వాదనను తోసిపుచ్చుతుందని.. తమకు విడిగా స్పెక్ట్రమ్ కేటాయింపుపై మాత్రమే ముద్ర పడుతుందని బీఐఎఫ్ భావిస్తోంది.
