సంతోష్ శోభన్ నటిస్తున్న కొత్త సినిమా “కళ్యాణం కమనీయం”. ఈ చిత్రంలో కోలీవుడ్ తార ప్రియ భవానీ శంకర్ హీరోయిన్ గా నటిస్తోంది. ఈ చిత్రంతో ఆమె టాలీవుడ్ లో అడుగు పెడుతోంది. ఈ చిత్రాన్ని యూవీ కాన్సెప్ట్స్ సంస్థ నిర్మిస్తోంది.
పెళ్లి నేపథ్యంతో సాగే ఆహ్లాదకర కథతో నూతన దర్శకుడు అనిల్ కుమార్ రూపొందిస్తున్నాడు. తాజాగా కళ్యాణం కమనీయం సినిమా టైటిల్ మోషన్ పోస్టర్ తో పాటు ఫస్ట్ లుక్ ను విడుదల చేశారు.
ఈ టైటిల్ మోషన్ పోస్టర్ ఆద్యంతం ఆహ్లాదకరంగా సాగింది. మంచి విజువల్స్ కు అందమైన బ్యాక్ గ్రౌండ్ మ్యూజిక్ పెట్టారు. కంటెంట్ ఓరియెంటెడ్ చిత్రాలను నిర్మిస్తూ యువ ప్రతిభావంతులను ప్రోత్సహిస్తున్న యూవీ కాన్సెప్ట్స్ ఈ చిత్రంతో మరో డిఫరెంట్ మూవీని ప్రజెంట్ చేస్తోంది.
ప్రస్తుతం పోస్ట్ ప్రొడక్షన్ కార్యక్రమాలు జరుపుకుంటున్న ఈ సినిమా సంక్రాంతి కానుకగా జనవరి 14న ప్రేక్షకుల ముందుకు రానుంది. ఈ సినిమాకు కార్తీక్ ఘట్టమనేని సినిమాటోగ్రాఫర్ గా వర్క్ చేయగా, శ్రావణ్ భరధ్వాజ్ సంగీతం అందిస్తున్నాడు.