సినిమా ఇండ‌స్ట్రీలో డ్ర‌గ్స్ వాడకంపై బాలీవుడ్‌లో డైలాగ్ వార్ కొన‌సాగుతోంది. రాజ్య‌స‌భ‌లో ఎంపీ జ‌యాబ‌చ్చ‌న్ చేసిన ప్ర‌క‌ట‌న‌పై న‌టి కంగ‌నా ర‌నౌత్ త‌ప్పుబ‌ట్టారు. ఈ మేర‌కు ఆమెను ఉద్దేశిస్తూ తీవ్ర వ్యాఖ్య‌ల‌తో కూడిన ఓ ట్వీట్ చేశారు.
జ‌యాజీ.. నా స్థానంలో మీ కూతురు శ్వేత ఉండి.. ఆమెను కొట్టి, డ్ర‌గ్స్ ఇచ్చి, లైంగికంగా వేధించి ఉంటే కూడా ఇదే చెప్ప‌గ‌ల‌రా?.. మీ కొడుకు అభిషేక్ బ‌చ్చ‌న్ కూడా త‌న‌పై వేధింపుల గురించి ఫిర్యాదులు చేసి.. ఏదో ఒక రోజు ఉరివేసుకుంటే కూడా ఇలానే స్పందిస్తారా?.. కొంచెం మాపై కూడా ద‌య చూపండి అంటూ కంగ‌నా ట్వీట్ చేశారు.
Jaya ji would you say the same thing if in my place it was your daughter Shweta beaten, drugged and molested as a teenage, would you say the same thing if Abhieshek complained about bullying and harassment constantly and found hanging one day? Show compassion for us also 🙏 https://t.co/gazngMu2bA
— Kangana Ranaut (@KanganaTeam) September 15, 2020
పార్ల‌మెంట్‌లో నిన్న బీజేపీ ఎంపీ రవికిషన్ ఇండ‌స్ట్రీలో డ్ర‌గ్స్ డీలింగ్స్‌పై ప్ర‌స్తావించారు. డ్రగ్స్‌ను అల‌వాటు చేస్తున్న‌వారిపై క‌ఠిన చర్యలు తీసుకోవాలని ఆయ‌న కోరారు. అయితే ఆయ‌న మాట‌ల‌పై ఇవాళ జ‌యాబ‌చ్చ‌న్ అభ్యంత‌రం వ్య‌క్తం చేశారు. కొందరి కార‌ణంగా మొత్తం పరిశ్రమను కించపర్చవద్దని…, చిత్ర పరిశ్రమ నుంచి వచ్చిన వ్య‌క్తే ఇలా మాట్లాడ‌టం సిగ్గుచేటు అంటూ మండిపడ్డారు. ఆమె వ్యాఖ్య‌లపై ఇప్ప‌టికే రవికిషన్ స్పందించారు
