సినీ అభిమానులు ఎప్పటి నుంచో కేజిఎఫ్ 2అప్డేట్ కోసం ఎదురుచూస్తున్నారు. ఈ నేపథ్యంలోనే చాప్టర్2కి సంబంధించి ఓ పోస్టర్ ను దర్శకుడు ప్రశాంత్ నీల్ రిలీజ్ చేశారు. అదేవిధంగా రాక్ స్టార్ యష్ పుట్టినరోజు సందర్భంగా వచ్చే ఏడాది జనవరి 8న రాఖీ బాయ్ సామ్రాజ్యానికి సంబంధించిన టీజర్ ను విడుదల చేయనున్నట్టు ప్రకటించారు.
ఇక ఎటువంటి అంచనాలు లేకుండా ప్రేక్షకుల ముందుకు వచ్చిన కేజీఎఫ్ చిత్రం బాక్సాఫీస్ రికార్డులను తిరగ రాసిన సంగతి తెలిసిందే. దీనికి సీక్వెల్ గా ప్రస్తుతం చాప్టర్ 2తెరకెక్కుతోంది. ఈ సీక్వెల్ కు సంబంధించిన షూటింగ్ హైదరాబాద్ పరిసర ప్రాంతాల్లో జరుగుతోంది. ఇటీవల క్లైమాక్స్ సన్నివేశాలను చిత్రీకరించారు. ఇక ముఖ్యంగా ఈ సినిమాలో బాలీవుడ్ స్టార్ హీరో సంజయ్ దత్ విలన్ పాత్రలో నటిస్తున్నారు. మొదట కేజిఎఫ్ చిత్రం ఘనవిజయం సాధించడంతో ఈ సినిమా పై భారీ అంచనాలు నెలకొన్నాయి.
A glance into the Empire 💥
It might have taken a year longer for this, but we are coming stronger, bigger & deadlier!#KGFChapter2TeaserOnJan8 at 10:18 AM on @hombalefilms youtube.@VKiragandur @TheNameIsYash @duttsanjay @TandonRaveena @SrinidhiShetty7 @BasrurRavi @bhuvangowda84 pic.twitter.com/evCn5jiBkn— Prashanth Neel (@prashanth_neel) December 21, 2020
