కింగ్ ఫిషర్ ఎయిర్ లైన్స్ తో ఎంతో హాడావిడి చేసి, లోన్లు క‌ట్ట‌లేక విదేశాల‌కు పారిపోయిన లిక్క‌ర్ కింగ్ విజ‌య్ మాల్యా దారికొచ్చాడు. భార‌త్ కు తిరిగి వెళ్లాల్సిందేన‌న్న బ్రిట‌న్ కోర్టు తీర్పుల‌లో అప్పీలుకు వెళ్తూనే… కేసులు ఎత్తివేస్తే పూర్తి అప్పు క‌ట్టేస్తానంటూ వేడుకుంటున్నాడు.
లాక్ డౌన్ నుండి దేశాన్ని బ‌య‌ట‌ప‌డేసేందుకు ప్ర‌ధాని 20ల‌క్ష‌ల కోట్ల ప్యాకేజీని ప్ర‌క‌టించాడు. దీనిపై విజ‌య్ మాల్యా స్పందిస్తూ… ఇది ఎంతో మంచి నిర్ణ‌య‌మ‌ని, వాళ్ల‌కు ఎంత కావాలంటే అంత డ‌బ్బు ప్రింట్ చేసుకోవ‌చ్చు కానీ నాలాంటి వారి వ‌ద్ద నుండి కూడా చిన్న మొత్త‌మే అయినా బ్యాంకులు తీసుకోవాలి అంటూ ట్వీట్ చేశాడు.
Congratulations to the Government for a Covid 19 relief package. They can print as much currency as they want BUT should a small contributor like me who offers 100% payback of State owned Bank loans be constantly ignored ? Please take my money unconditionally and close.
— Vijay Mallya (@TheVijayMallya) May 14, 2020
కింగ్ ఫిషర్ ఎయిర్ లైన్స్ కోసం భార‌తీయ బ్యాంకుల వ‌ద్ద 9వేల కోట్ల అప్పులు చేసి, అప్పులు చెల్లించ‌లేక బ్రిట‌న్ పారిపోయాడు ఈ లిక్క‌ర్ కింగ్. దీంతో బ్యాంకుల‌కు రుణ ఎగ‌వేత కేసుతో పాటు మనీలాండ‌రింగ్ కేసులు న‌మోదయ్యాయి. వీటిపై విచార‌ణ జ‌రుగుతుండ‌గా… భార‌త్ కు వెళ్లాల్సిందేన‌న్న లండ‌న్ కోర్టు ఆదేశాల‌పై బ్రిట‌న్ సుప్రీంకోర్టులో స‌వాలు చేశాడు.
అయితే, విజ‌య్ మాల్యా కంపెనీల‌కు ఆస్తులున్న‌ప్ప‌టికీ వాటిని రుణం కింద తీసుకునేందుకు బ్యాంకులు ముందుకు రాక‌పోగా, ఈడీ అటాచ్ చేసిన ఆస్తుల‌ను స‌డ‌లింపు ఇవ్వ‌టం లేదు.
