గ‌ల్ఫ్ దేశాల్లో క‌నీస వేత‌న స‌వ‌ర‌ణ‌- కేటీఆర్ స‌ర్ ఇప్పుడే నిద్ర‌లేచారా…?

పొట్ట చేత‌ప‌ట్టుకొని ఉపాధి కోసం గల్ఫ్ దేశాల బాట ప‌డుతున్న భార‌త పౌరుల మెడ‌పై అనుకోని క‌త్తి ప‌డింది. గ‌ల్ఫ్ దేశాల్లో క‌నీస వేత‌నాన్ని త‌గ్గిస్తూ కేంద్రం సెప్టెంబ‌ర్ 21,2020న స‌ర్కుల‌ర్ జారీ చేసింది. దాదాపుగా 30-50శాతం క‌నీస వేత‌నంలో కోత విధిస్తూ నిర్ణ‌యం తీసుకుంది.

కొత్త నిర్ణ‌యం ప్ర‌కారం… బెహ్ర‌యిన్, ఓమ‌న్, యూఏఈలో నెల‌కు క‌నీసం 200డాల‌ర్లు, సౌదీ అరేబియాలో 324అమెరిక‌న్ డాల‌ర్లుగా నిర్ణ‌యించారు. ఖ‌తార్ లో 200అమెరికన్ డాల‌ర్లు, కువైట్ లో 245డాల‌ర్లు, ఇంటి ప‌నుల్లో స‌హాయం చేసేవారికి 196డాల‌ర్లుగా నిర్ణ‌యించారు.

సెప్టెంబ‌ర్ లో ఈ నిర్ణ‌యం తీసుకుంటే… తెలంగాణ మంత్రి కేటీఆర్ ఇప్పుడు ఈ క‌నీస వేత‌నంపై పెద‌వి విప్పారు. ఇది అన్యాయ‌మ‌ని, 30-50శాతం వేత‌నాన్ని త‌గ్గిస్తే ప్ర‌జ‌లు ఇబ్బంది ప‌డుతున్నార‌న్నారు. ముఖ్యంగా తెలంగాణ నుండి ఎంతో మంది గ‌ల్ఫ్ దేశాల‌కు వెళ్తార‌ని, దీనిపై విదేశాంగ మంత్రి జ‌యశంక‌ర్ స్పందించాలంటూ ట్విట్ట‌ర్ వేదిక‌గా కేటీఆర్ కోరారు.

Hon'ble MEA @DrSJaishankar Ji

The recent circulars issued by MEA reducing Minimum Referral Wages by 30-50 percent as reported are a cause for huge concern as wages of lakhs of migrant workers from Telangana working in the Gulf countries will get adversely impacted pic.twitter.com/yfF8jPX6RW

— KTR (@KTRTRS) December 22, 2020

కేటీఆర్ ట్వీట్ పై తెలంగాణ‌లో తీవ్ర విమ‌ర్శ‌లు వ్య‌క్తం అవుతున్నాయి. గల్ఫ్ బాధ‌లు పోవాలంటే తెలంగాణ రావాల‌ని, గల్ఫ్ బాధితుల కోసం తెలంగాణ రాష్ట్రం వ‌చ్చాక ప్ర‌త్యేక పాల‌సీ తెచ్చి ఆదుకుంటామ‌ని చెప్పిన స‌ర్కార్ ఇప్ప‌టి వ‌ర‌కు ప‌ట్టించుకోలేద‌ని… ఇప్పుడు ఇంత జ‌రుగుతున్న సీఎం కేసీఆర్ స్పందించ‌లేద‌ని, సెప్టెంబ‌ర్ లో క‌నీస వేత‌నం త‌గ్గిస్తే ఇప్పుడు కేటీఆర్ కేవ‌లం ట్వీట్ తో స‌రిపెట్టార‌ని విమ‌ర్శిస్తున్నారు. గ‌ల్ఫ్ వ‌ర్క‌ర్స్ కోసం ప్ర‌త్యేక బోర్డు కూడా ఏర్పాటు చేయ‌లేక‌పోయార‌ని, తెలంగాణ నుండి ల‌క్ష‌ల మంది గ‌ల్ఫ్ బాట ప‌డుతుంటే వారి సంక్షేమం కోసం రాష్ట్ర ప్ర‌భుత్వం ఏమీ చేయ‌లేదంటున్నారు. కేవ‌లం ఒక్క ట్వీట్ తో స‌రిపెడుతున్నారంటున్నారు.

అయితే, ఇలా క‌నీస వేత‌నం అనే కాన్సెప్ట్ ఉంటే… అక్క‌డ ఉద్యోగ భ‌ద్ర‌త ఉంటుంద‌ని, అక్క‌డికెళ్లి ఇబ్బంది ప‌డ‌కుండ ఉంటార‌ని ఆర్థిక‌వేత్త‌లు అంటున్నారు.