టీఆర్‌ఎస్‌ వర్కింగ్‌ ప్రెసిడెంట్, మంత్రి కేటీఆర్ కు ట్విట్టర్‌ హీరో అనే పేరుంది. ఈయన బయటకన్నా అందులోనే ఎక్కువ యాక్టివ్‌ గా ఉంటారనే విమర్శలు కూడా ఉన్నాయి. ఆమధ్య అమెరికా టూర్ వెళ్లి.. అక్కడి విశేషాలను వివరించిన ఆయన వచ్చాక.. కేంద్రాన్ని టార్గెట్‌ చేస్తూ ట్వీట్లాస్త్రాలు సంధిస్తున్నారు.
అయితే.. ఇదే సమయంలో కర్నాటక పీసీసీ అధ్యక్షుడు డీకే శివకుమార్ కు, కేటీఆర్ కు మధ్య ఆసక్తికర చర్చ నడిచింది. బెంగళూరును స్టార్టప్ హబ్‌ గా, సిలికాన్ వ్యాలీగా పిలుస్తుంటారు. కానీ.. అక్కడ రోడ్లు అధ్వాన్నంగా మారిపోయాయని, విద్యుత్ కోతలు ఎక్కువయ్యాయని ఈమధ్య కొందరు స్టార్టప్ ఫౌండర్లు ట్విట్టర్‌ లో పోస్టులు పెట్టారు. వాటిపై స్పందించిన కేటీఆర్.. బ్యాగులు సర్దుకుని హైదరాబాద్ వచ్చేయండి అంటూ నాలుగు రోజుల క్రితం ట్వీట్‌ చేశారు.
Pack your bags & move to Hyderabad! We have better physical infrastructure & equally good social infrastructure. Our airport is 1 of the best & getting in & out of city is a breeze
More importantly our Govt’s focus is on 3 i Mantra; innovation, infrastructure & inclusive growth https://t.co/RPVALrl0QB
— KTR (@KTRTRS) March 31, 2022
కేటీఆర్ చేసిన అప్పటి ట్వీట్‌ కు తాజాగా శివకుమార్ స్పందించారు. కేటీఆర్ సవాల్‌ ను స్వీకరిస్తున్నామని 2023 డిసెంబర్ నాటికి కర్నాటకలో కాంగ్రెస్ తిరిగి అధికారంలోకి వస్తుందని ధీమా వ్యక్తం చేశారు. అప్పుడు దేశంలోనే ఉత్తమ నగరంగా బెంగళూరుకు పూర్వ వైభవం తీసుకొస్తామని పోస్ట్‌ చేశారు.
.@ktrtrs, my friend, I accept your challenge. By the end of 2023, with Congress back in power in Karnataka, we will restore the glory of Bengaluru as India’s best city. https://t.co/HFn8cQIlGS
— DK Shivakumar (@DKShivakumar) April 4, 2022
శివకుమార్ ట్వీట్‌ కు రిప్లై ఇచ్చారు కేటీఆర్. తానూ సవాల్‌ ను స్వీకరిస్తున్నానని.. కర్నాటక రాజకీయాల గురించి తనకు పెద్దగా అవగాహన లేదన్నారు. ఎవరు గెలుస్తారో తెలియదని చెప్పారు. కానీ.. హైదరాబాద్, బెంగళూరు మధ్య ఈ ఆరోగ్యకరమైన పోటీతో యువతకు ఉద్యోగాలు కల్పించి దేశ అభివృద్ధికి పాటుపడదామని సూచించారు. హలాల్, హిజాబ్‌ పై కాకుండా మౌలిక సదుపాయాలు, ఐటీ, బయో టెక్నాలజీ రంగాలపై దృష్టి సారిద్దామని శివకుమార్ కు వివరించారు కేటీఆర్. ప్రస్తుతం వీరిద్దరి సంభాషణ వైరల్‌ అవుతోంది.
Dear @DKShivakumar Anna, I don’t know much about politics of Karnataka & who will win but challenge accepted👍
Let Hyderabad & Bengaluru compete healthily on creating jobs for our youngsters & prosperity for our great nation
Let’s focus on infra, IT&BT, not on Halal & Hijab https://t.co/efUkIzKemT
— KTR (@KTRTRS) April 4, 2022
Advertisements
