పుష్ప ..అల్లు అర్జున్,సుకుమార్ కాంబినేషన్లో వచ్చిన బ్లాక్ బస్టర్ మూవీ. మొదట్లో డివైడ్ టాక్ నడిచినా రాను రాను పుంజుకుంది. సౌంత్ లో కంటే నార్త్ లో ఓ రేంజ్ సక్సెస్ సాధించింది. ఈ సినిమలోని పాటలు, మేనరిజమ్స్, క్యారెక్టరైజేషన్స్, డైలాగ్స్, మేకింగ్ విపరీతమైన క్రేజ్ ని సంపాదించిపెట్టాయి.
దెబ్బతో స్టైలిష్ స్టార్ గా ఉన్న అల్లు అర్జున్ కాస్తా ఐకాన్ స్టార్ అయిపోయాడు. సినిమాతోబాటు సుకుమార్ కూడా ప్యాన్ ఇండియా దర్శకుడిగా మారిపోయాడు. పుష్ప రాజ్ అనే ఒక వ్యక్తి రోజుకూలీ దశ నుండి సిండికేట్ నాయకుడి స్థాయికి ఎలా ఎదిగాడు? అలా ఎదిగే క్రమంలో అతను ఎదుర్కొన్న సమస్యలు ఏంటి? అనే అంశం చుట్టూ సినిమా మొత్తం తిరుగుతుంది. దీనికి రెండవ భాగం కూడా ఉంది అనే విషయం తెలిసిందే.
Also Read: ఆ కామెంట్స్ పై వంశీ పైడిపల్లి సీరియస్
ఒక్క హిందీ వెర్షన్ తప్ప మిగిలి అన్ని భాషల్లోనూ అమెజాన్ ప్రైమ్ లో విడుదల అయ్యింది. థియేటర్లో చూసినప్పుడు సినిమాకి సంబంధించిన చాలా పొరపాట్లు మనకి పెద్దగా కనిపించవు. కానీ అదే సినిమాని టీవీలో చూసినప్పుడో, సిస్టమ్ లో చూస్తున్నప్పుడో కంటిన్యుటీ మిస్టేక్స్,లాజిక్ మిస్సింగ్స్ కనిపిస్తుంటాయి.
అయితే పుష్ప మూవీకి సంబంధించిన పొరపాటు ఒకటి ఇటీవల వైరల్ అయ్యింది. అదేంటంటే, హీరో ఒక సందర్భంలో వ్యాన్ కొనుక్కోవాలి అని అనుకుంటాడు. అందుకోసం హీరో ఫ్రెండ్ అయిన కేశవకి ఈ విషయం చెప్పి వ్యాన్ కొనుక్కురమ్మని చెప్పాడు. కేశవ హీరో చెప్పినట్టే వ్యాన్ కొనుక్కొని వస్తాడు.
అంతకుముందు కేశవకి వ్యాన్ డోర్ తీయడం రాదు అన్నట్టు చూపిస్తారు. అంటే కేశవకి వ్యాన్ అలవాటు లేదు అని మనం అర్థం చేసుకోవాలి. కానీ తర్వాత మాత్రం వ్యాన్ డ్రైవ్ చేస్తూ వస్తాడు.
కొంత మంది ఈ విషయాన్ని,“పొరపాటు, లాజిక్ మిస్ అయ్యారు” అంటే, ఇంకొంత మంది మాత్రం, “కేశవకి లారీ డ్రైవ్ చేసే అలవాటు ఉంది కాబట్టి వ్యాన్ కూడా అలాగే డ్రైవ్ చేశాడు” అని అంటున్నారు.
అసలు ఇది నిజంగా పొరపాటా? లేకపోతే కేశవ కి లారీ డ్రైవింగ్ వచ్చు కాబట్టి వ్యాన్ కూడా డ్రైవ్ చేశాడు అన్నట్టు చూపించారా? అనే విషయం మాత్రం క్లారిటీ లేదు ఏదైతేనేం సినిమా దేశంలోకి దూసుకుపోయింది. ఇలాంటి మిస్టేక్స్ అన్నీ ఆ సినిమా సక్సెస్ ప్రవాహంలో కొట్టుకు పోయాయి.