హీరో నితిన్ నటిస్తున్న మాస్ కమర్షియల్ ఎంటర్ టైనర్ ‘మాచర్ల నియోజకవర్గం’. ఇప్పటికే విడుదలైన చార్ట్‌ బస్టర్ పాటలు, ‘మాచర్ల యాక్షన్ ధమ్కీ’ ప్రేక్షకుల్లో భారీ అంచనాలు పెంచాయి. గుంటూరులోని బ్రాడీపేట్ లో జరిగిన గ్రాండ్ ఈవెంట్‌ లో ‘మాచర్ల నియోజకవర్గం’ థియేట్రికల్ ట్రైలర్ ను లాంచ్ చేశారు దర్శకుడు అనిల్ రావిపూడి.
2 నిమిషాల 50 సెకన్లు నిడివి గల ‘మాచర్ల నియోజకవర్గం’ ట్రైలర్ పవర్ ప్యాక్డ్ యాక్షన్ ఎంటర్ టైనర్ గా మైండ్ బ్లోయింగ్ గా అనిపించింది. నితిన్, కృతి శెట్టిల లవ్లీ ఎంట్రీతో కూల్ గా మొదలైన ట్రైలర్.. వెన్నెల కిషోర్, రాజేంద్ర ప్రసాద్, మురళీ శర్మల పంచిన హాస్యంతో పర్ఫెక్ట్ ఫ్యామిలీ వినోదం అందించింది. కలెక్టర్ సిద్ధార్థ్ రెడ్డిగా నితిన్ మాచర్లలోకి ఎంటరవ్వడంతో కంప్లీట్ యాక్షన్ తో మాస్ ఫీస్ట్ గా మెస్మరైజ్ చేసింది.
రాజప్పగా సముద్రఖని విలన్ ఎంట్రీ టెర్రిఫిక్ గా ఉంది. మాచర్లలో రాజప్ప తిరుగులేని శక్తి. తన బలంతో ఎన్నికలే లేకుండా ఎమ్మెల్యేగా ఏకీగ్రీవంగా ఎన్నికవుతుంటాడు. అయితే.. నియోజక వర్గంలో ఎన్నికలను నిర్వహించి తీరుతానని, అది నా భాద్యతని కలెక్టర్ నితిన్, రాజప్పతో ఛాలెంజ్ చేయడం పవర్ ఫుల్ గా ఉంది.
నితిన్ క్యాజువల్స్ లో కనిపించినా, మాస్ మేనరిజమ్స్ మిస్సవ్వలేదు. “నువ్వేమో త్రివిక్రమ్ శ్రీనివాస్ లా పంచ్ లు, వీళ్ళేమో బోయపాటి శ్రీనులా యాక్షన్.. ఇప్పుడు నేనేం చెయ్యాలి.. రాజమౌళి హీరో లా ఎలివేషన్ ఇవ్వాలా” ఈ ఒక్క డైలాగ్ వింటే సినిమా ఏ స్థాయిలో ఎంటర్ టైన్ చేస్తుందో అర్ధమౌతోంది.
మాచర్ల నియోజకవర్గం ట్రైలర్ సినిమాపై అంచనాలని ఇంకాస్త పెంచింది. ఆగస్టు 12న ప్రపంచవ్యాప్తంగా గ్రాండ్ గా విడుదల కానుంది ఈ సినిమా.