అశ్లీల చిత్రాల్లో నటించిందన్న అనుమానంతో కట్టుకున్న భార్యను కడతేర్చాడో భర్త. నీలి చిత్రాల్లోని మహిళ అచ్చం తన భార్యలాగా ఉండటంతో ఆమెపై అనుమానం పెంచుకున్నాడు. అనుమానం పెనుభూతమై ఆఖరికి ఆమెను కడతేర్చాడు ఆ భర్త. వివరాల్లోకి వెళ్లే…
బెంగళూరుకు చెందిన జహీర్ పాషా ఆటో డ్రైవర్ గా పని చేస్తున్నాడు. ఆయనకు భార్య ముబీనా(35), ఐదుగురు పిల్లలు ఉన్నారు. కొన్ని నెలల క్రితం ఓ నీలి చిత్రాన్ని ఆయన చూశాడు. అందులో నటి తన భార్యలాగే ఉండటంతో అతనికి అనుమానం వచ్చింది. ఆ సినిమాలో నటించింది తన భార్యేనని అనుమానం పెంచుకున్నాడు.
దీంతో ఆమెను వేధించడం మొదలు పెట్టాడు. ఈ క్రమంలో రెండు నెలల క్రితం ఓ ఫ్యామిలీ ఫంక్షన్ లో భార్యను తీవ్రంగా కొట్టాడు. ఆ సమయంలో ఆయనను బంధువులు అడ్డుకున్నారు. ఇటీవల 10రోజుల క్రితం మళ్లీ ఆమెపై బాషా దాడి చేశాడు. దీంతో గాయాల పాలైన ఆమె ఆస్పత్రిలో చేరారు.
తాజాగా ఆదివారం రాత్రి పిల్లల ముందే ముబీనాను కత్తితో బాషా పొడిచి చంపాడు. దీంతో వారి మొదటి కుమారుడు ఈ విషయాన్ని తన తాతకు వెళ్లి వివరించాడు. విషయం తెలుసుకుని కుమార్తె ఇంటికి గౌస్ పాషా వచ్చే సరికి ఆమె మరణించింది. దీంతో పోలీసులకు ఆయన ఫిర్యాదు చేశాడు. పోలీసులు కేసు నమోదు చేసుకుని దర్యాప్తు చేస్తున్నారు.