సోషల్ మీడియాలో బాగా యాక్టివ్ గా ఉండే ప్రముఖుల్లో ఆనంద్ మహీంద్ర ఒకరు. వెరైటీ వార్తలు, వీడియోలను షేర్ చేస్తూ వార్తల్లో ఉంటారాయన. మహీంద్ర ఎప్పుడు ట్వీట్ చేస్తారా? అని ఎదురు చూసే ఫ్యాన్స్ కూడా ఉన్నారంటే అర్థం చేసుకోండి ఆయన ఫాలోయింగ్ ఎలాంటిదో. తాజాగా మహీంద్ర చేసిన ట్వీట్ ఒకటి వైరల్ అవుతోంది.
మామూలుగా ద్విచక్ర వాహనాలకు కిక్ కొట్టేలా డిజైన్ చేస్తారు. కానీ.. ఫోర్ వీలర్ వాహనానికి కిక్ కొట్టే సౌకర్యం ఉండదు. మహారాష్ట్రకు చెందిన దత్తాత్రేయ లోహర్ అనే వ్యక్తి మాత్రం.. ఇంట్లో ఉన్న స్క్రాప్ మెటీరియల్ తో ఓ జీపును తయారు చేశాడు. బైక్ ఇంజిన్ తో దీన్ని రూపొందించాడు. ఈ జీపు.. బైక్ మాదిరి కిక్ కొడితేనే స్టార్ట్ అవుతుంది. దీనికి సంబంధించిన వీడియోనే పోస్ట్ చేశారు ఆనంద్ మహీంద్ర.
ఈ జీపు స్పెషాలిటీ, దాన్ని రూపొందించిన తీరు తనను ఆశ్చర్యానికి గురి చేసిందన్నారు మహీంద్ర. ఈ ట్వీట్ వైరల్ కావడంతో నెటిజన్లు పలు రకాలుగా స్పందిస్తున్నారు. ఈ నేపథ్యంలో మరో ట్వీట్ చేసిన మహీంద్ర… నిబంధనలను ఉల్లంఘించినందున స్థానిక అధికారులు వెంటనే గానీ, తర్వాత గానీ ఆ వాహనం నడపకుండా అతన్ని ఆపివేస్తారని అన్నారు. అయితే దత్తాత్రేయకు ఓ ఆఫర్ ఇచ్చారాయన. అతను తయారు చేసిన వాహనాన్ని ఇస్తే.. ఓ బొలెరో ను తాను వ్యక్తిగతంగా అందిస్తానని చెప్పారు. ఆ జీపును మహీంద్రా రీసెర్చ్ వ్యాలీలో ప్రదర్శిస్తానని తెలియజేశారు.
Local authorities will sooner or later stop him from plying the vehicle since it flouts regulations. I’ll personally offer him a Bolero in exchange. His creation can be displayed at MahindraResearchValley to inspire us, since ‘resourcefulness’ means doing more with less resources https://t.co/mibZTGjMPp
— anand mahindra (@anandmahindra) December 22, 2021
