కేర‌ళ‌లో ఇటీవ‌ల ఓ ఇన్నోవా కారును ఓ వ్య‌క్తి ప్యారలల్ పార్కింగ్ చేసి వార్త‌ల్లో నిలిచిన సంగ‌తి తెలిసిందే. అంత‌టి చిన్న స్థ‌లంలో ఇన్నోవా లాంటి భారీ కారును అత‌ను చాలా తెలివిగా పార్కింగ్ చేసి షాకిచ్చాడు. కేర‌ళ‌లోని మ‌నంత‌వాడి అనే ప్రాంతానికి చెందిన పీజే బిజు ఆ ఫీట్ సాధించాడు. అయితే స‌రిగ్గా దాన్ని అనుక‌రించ‌బోయిన ఓ వ్య‌క్తికి మాత్రం ప‌రాభ‌వం ఎదురైంది.
ఓ చిన్న‌పాటి స్థ‌లంలో కారు డ్రైవ‌ర్ బిజు తెలుపు రంగు ఇన్నోవా కారును అద్భుతంగా పార్కింగ్ చేశాడు. ఈ క్ర‌మంలో అత‌ను కారు పార్కింగ్ చేస్తున్న వీడియోను అత‌ని భార్య చిత్రీక‌రించి సోష‌ల్ మీడియాలో పోస్ట్ చేయ‌గా.. అది వైర‌ల్ గా మారింది. దీంతో బిజును అంద‌రూ ప్ర‌శంసించారు. అత‌ని డ్రైవింగ్ స్కిల్స్‌కు అత‌న్ని మెచ్చుకున్నారు. అయితే అత‌ను అలా పార్కింగ్ చేయ‌డం ఏమో గానీ.. అదే స్థ‌లం ఇప్పుడు యాక్టివిటీ హాట్‌స్పాట్‌గా మారింది. అందులో నిత్యం ప‌లువురు త‌మ కార్ల‌ను పార్కింగ్ చేసి త‌మ డ్రైవింగ్ స్కిల్ ఎలా ఉందో చెక్ చేసుకుంటున్నారు. ఇక కొంద‌రు కార్ల‌ను పార్కింగ్ చేసే వ్య‌క్తుల‌ను చూసేందుకు అక్కడికి వ‌స్తున్నారు.
That’s Malayalee Driver for you , salute his skill and confidence!
Few saw how he took out the car earlier this has both how he parked and how took it out from parking !
Kudos to the guy 👏🏼👏🏼 pic.twitter.com/JwJrCIjTyn
— Vijay Thottathil (@vijaythottathil) September 7, 2020
అయితే త‌న బ్లాక్ క‌ల‌ర్‌ సెడాన్ కారును కూడా ఓవ్య‌క్తి పార్కింగ్ చేసేందుకు అక్కడికి వ‌చ్చాడు. బిజు మాదిరిగానే త‌న కారును కూడా అత‌ను ప్యారలల్ పార్కింగ్ చేయాల‌ని అనుకుని య‌త్నించాడు. ప‌లుమార్లు య‌త్నించాడు కూడా. కానీ అతనికి ఆ ఫీట్ చేయ‌డం సాధ్యం కాలేదు. దీంతో ఆ ప్ర‌య‌త్నాన్ని అత‌ను విర‌మించాడు. ఈ క్ర‌మంలో తీసిన వీడియో ఒక‌టి ప్ర‌స్తుతం సోష‌ల్ మీడియాలో వైర‌ల్‌గా మారింది.
కాగా ఆ వీడియోను చూసిన ప‌లువురు.. అంద‌రికీ అలాంటి డ్రైవింగ్ స్కిల్ సాధ్యం కాద‌ని, అందుకు ఎంతో ప్రాక్టీస్ అవ‌స‌ర‌మ‌ని అంటున్నారు.
Watch Video :
