కోటూరి మానవతారాయ్, టీపీసీసీ అధికార ప్రతినిధి
ప్రపంచ్ కీ నేత కేసీఆర్.. రష్యా, ఉక్రెయిన్ మధ్య యుద్ధాన్ని ఆపటానికి సిద్ధమయ్యారు. హైదరాబాద్ నుండి రష్యాకు గులాబీ పరిమళాలు వెదజల్లుతాన‌ని కేసీఆర్ ప్ర‌కటించారు. రష్యా రాజధాని మాస్కోలో భూకంపం సృష్టిస్తాన‌ని బాంబేశారు. రష్యా ఉక్రెయిన్ యుద్ధ వాతావరణంలో దారి పొడవునా భారీ ప్లెక్సీలు, కటౌట్లు కట్టి ఆయా దేశాల ప్రజలు కేసీఆర్ పై అభిమానం చాటుకుంటున్నారు.
తనతో రష్యాకు రావాలని శాంతిదూత కేఏ పాల్ కు, వర్షాన్ని ఆపిన బ్రదర్ అనీల్ కుమార్ కు కేసీఆర్ కబురు పంపారు. ప్రత్యేక విమానంలో బేగంపేట విమానాశ్రయం నుంచి మైహోం రామేశ్వరరావు, మేఘా కృష్ణారెడ్డితో క‌లిసి కేసీఆర్ వెళ్తున్న‌ట్టు వినికిడి. రష్యాలో రామేశ్వరరావుకి రియల్ ఎస్టేట్ చమురు వ్యాపారం, మేఘా కృష్ణారెడ్డికి భారీ కాంట్రాక్టు పనులు ఇప్పించనున్నారు. ఈ ప‌ర్య‌ట‌న‌లో వారితో పాటు వెళ్లి.. రష్యా, ఉక్రెయిన్ లలో సమతామూర్తి విగ్రహం నెలకొల్పి అక్కడే ఆశ్రమాన్ని స్థాపించి వైష్ణవమతాన్ని విశ్వవ్యాప్తి చేయనున్నారు చినజీయర్ స్వామి.
రష్యా, ఉక్రెయిన్ దేశాలలో మొక్కలు నాటుతానని సంతోష్ రావు విమానంలో దూరారు. రష్యాలో మ‌రో అనురాగ్ విశ్వవిద్యాలయాన్ని స్థాపిస్తాన‌ని పల్లా రాజేశ్వర్ రెడ్డి, రష్యాలో పాల వ్యాపారంతో పాటు విశ్వవిద్యాలయం కడతాన‌ని మంత్రి మల్లారెడ్డి సిద్ధమయ్యారు. ఔట్ సోర్సింగ్ ఏజెన్సీలు స్థాపించి అక్క‌డి ప్ర‌జ‌ల‌కు ఉద్యోగాలిస్తానంటూ ఆర్థిక మంత్రి హరీష్ రావు విమానం ఎక్కారు.
జన్వాడ ఫాంహౌస్ లెక్క రష్యా, ఉక్రెయిన్ లలో విలాసవంతమైన ఫాంహౌస్ లు నిర్మించాలని కేటీఆర్.. ఖలీపా బురుజు లాంటి ఖరీదైనవి కొనుగోలు చేసేందుకు కవిత బ‌య‌లుదేరారు. మాటవినకుంటే పుతిన్ ని పడగొట్టి రష్యా రాజ్యాంగం మార్చి అధ్యక్ష పీఠమెక్కి ఆ దేశాన్ని బంగారు రష్యాగా మార్చుతాన‌ని కేసీఆర్ వెల్లడించారు.