శివ కంఠమనేని, సంజ‌న గ‌ల్రాని, ప్రియా హెగ్దే, చాణ‌క్య ప్ర‌ధాన పాత్ర‌ల‌లో తెరకెక్కుతున్న చిత్రం మణిశంకర్. డ‌బ్బు చుట్టూ తిరిగే ఆస‌క్తిక‌ర క‌థ, యాక్షన్ ఎలిమెంట్స్‌తో తెరకెక్కుతున్న ఈసినిమాకు జి.వి.కె(జి. వెంక‌ట్‌కృష్ట‌ణ్‌) దర్శకత్వం వహిస్తున్నారు. లైట్ హౌస్ సినీ క్రియేషన్స్ ప‌తాకంపై కె.ఎస్. శంకర్ రావు, ఆచార్య శ్రీ‌నివాస‌రావు, ఎం. ఫణిభూషణ్ సంయుక్తంగా నిర్మిస్తున్నారు.
ఇప్ప‌టికే ఈ సినిమాకు సంబంధించి విడుద‌లైన లుక్స్ కు మంచి స్పంద‌న వచ్చింది. తాజాగా మణిశంకర్ మూవీ టీజ‌ర్‌ను ప్ర‌ముఖ ద‌ర్శ‌కుడు కళ్యాణ్ కృష్ణ విడుద‌ల చేశారు. ఈ సంద‌ర్భంగా.. కళ్యాణ్ కృష్ణ మాట్లాడుతూ మణిశంకర్ పోస్ట‌ర్స్‌, టీజర్ చూశాను. చాలా ఇంప్రెసివ్‌గా ఉన్నాయి. ప్ర‌స్తుతం స‌మాజంలో జ‌రుగుతున్న సంఘ‌ట‌న‌ల‌ను ఆధారం చేసుకుని ద‌ర్శ‌కుడు జీవీకే ఈ స్క్రిప్ట్ చేసిన‌ట్లు తెలుస్తోంది.
ఈ సినిమా మంచి స‌క్సెస్ సాధించి జీవీకే, శివ గారి కెరీర్‌కు హెల్ప్ అవ్వాల‌ని కోరుకుంటూ మణిశంకర్ టీమ్ అంద‌రికీ ఆల్ ది బెస్ట్ అంటూ చెప్పుకొచ్చారు.
అలాగే చిత్ర ద‌ర్శ‌కుడు జీవీకే మాట్లాడుతూ కళ్యాణ్ కృష్ణ‌గారు మంచి పాజిటీవ్ యాటిట్యూట్ ఉన్న డైరెక్టర్. అంద‌రికీ మంచి జ‌ర‌గాల‌ని కోరుకునే మంచి మ‌న‌సున్న వ్య‌క్తుల్లో ప్ర‌ముఖుడు. మా మణిశంకర్ మూవీ టీజర్ కళ్యాణ్ కృష్ణ‌గారి చేతుల‌మీదుగా రిలీజ‌వ‌డం హ్యాపీగా ఉందన్నారు.
అలాగే హీరో శివ కంఠమనేని మాట్లాడుతూ టీజర్ త‌ప్ప‌కుండా మీ అంద‌రికీ న‌చ్చుతుంద‌ని భావిస్తున్నాం. మంచి ఎంట‌ర్‌టైన‌ర్ స‌బ్జెక్ట్‌. మణిశంకర్ అనే ఒక పెద్ద గ్యాంగ్‌స్ట‌ర్ చేసే కొన్ని డీలింగ్స్‌కి సంభందించిన క‌థ. సంజ‌న, చాణుక్య, ప్రియా హెగ్డే ఈ నాలుగు పాత్ర‌ల చుట్టూ తిరిగే క‌థ. ఎంట‌ర్‌టైన్‌మెంట్‌తో పాటు యాక్షన్, థ్రిల్లింగ్ అంశాలు ఉంటాయి. త‌ప్ప‌కుండా మీరంద‌రూ ఎంజాయ్ చేస్తార‌నే న‌మ్మ‌కం ఉందని అన్నారు.
