అంధత్వం నుంచి విముక్తి అనే నినాదంతో తెలంగాణ రాష్ట్ర ప్రభుత్వం చాలా వేగంగా ముందుకు సాగుతుందని రాష్ట్ర వైద్య శాఖ మంత్రి హరీశ్ రావు తెలిపారు. ముఖ్యమంత్రి కేసీఆర్ ఆలోచనతో ప్రారంభించిన కంటి వెలుగు చాలా అద్భుతంగా కొనసాగుతోందని ఆయన కొనియడారు. తెలంగాణ సిద్దిపేట జిల్లా కేంద్రంలోని కంటి వెలుగు కేంద్రాన్ని ఆయన సందర్శించడం జరిగింది.
ఆ తరువాత అక్కడ ఆయన కంటి పరీక్షలు చేయించుకున్నారు. ఈ సందర్భంగా మంత్రి హరీశ్ రావు మీడియాతో మాట్లాడారు. ఇక తెలంగాణ ప్రజలెవరూ కూడా కంటిచూపు సమస్యలతో బాధపడకూడదని ముఖ్యమంత్రి కేసీఆర్ కంటి వెలుగు అనే గొప్ప కార్యక్రమాన్ని చేపట్టారని చెప్పారు. పండుగ వాతావరణం నేపథ్యంలో గురువారం ఏకంగా 50 లక్షల మందికి పరీక్షలు నిర్వహించినట్లు ఆయన వెల్లడించారు.అలాగే ప్రభుత్వ పథకాలతో ప్రజలు చాలా సంతోషంగా ఉన్నారని కూడా ఆయన ఆవేదన వ్యక్తం చేశారు.
గడిచిన 25 రోజుల్లో మొత్తం పరీక్షల సంఖ్య 50 లక్షల మార్కుకు చేరుకుంది. 25 రోజుల్లో ఇంత పెద్ద సంఖ్యలో పరీక్షలు చేసి అవసరమైన వారికి అద్దాలు పంపిణీ చేయడం నిజంగా చాలా గొప్ప విషయం. ఉచితంగా కంప్యూటరైజ్డ్ కంటి పరీక్షలు నిర్వహించి, మందులు ఇంకా అవసరం అయిన వారికి కళ్లద్దాలు పంపిణీ చేస్తున్నదని ఆయన అన్నారు.
ఇక అంతేగాక ప్రపంచంలోనే అతిపెద్ద కంటి పరీక్ష కార్యక్రమంగా రికార్డు సృష్టించేందుకు కృషి చేస్తున్నామని కూడా మంత్రి హరీశ్‌రావు తెలిపారు. ప్రస్తుతం నిర్వహిస్తున్న 50 లక్షల పరీక్షల్లో మొత్తం 16 లక్షల మంది కంటి పరీక్షలు చేయించుకున్నట్లు తేలిందని మంత్రి వెల్లడించారు. మొత్తం 9,35,512 మందికి అక్కడికక్కడే రీడింగ్ గ్లాసులు పంపిణీ చేయగా, అందులో 6,49,507 మందికి ప్రిస్క్రిప్షన్ అద్దాల కోసం రిఫర్ చేయగా, 54,324 మందికి ఇంటి వద్ద పంపిణీ చేశారని మంత్రి తెలిపారు.