ప‌శ్చిమ బెంగాల్ ముఖ్య‌మంత్రి మ‌మ‌తా బెన‌ర్జీకి ఢిల్లీ సీఎం కేజ్రీవాల్ అండ‌గా నిలిచారు. ప‌శ్చిమ బెంగాల్ ప‌రిపాల‌న‌లో కేంద్రం జోక్యం చేసుకోవ‌డాన్ని ఆయ‌న తీవ్రంగా ఖంఢించారు. కేంద్రం రాష్ట్రాల హ‌క్కుల‌ను హ‌రిస్తోంద‌ని ఆరోపించారు. ప‌శ్చిమ బెంగాల్‌లో అసెంబ్లీ ఎన్నిక‌ల‌కు ముందు ముగ్గురు ఐపీ‌ఎస్‌ అధి‌కా‌రులను డిప్యూటేషన్పై కేంద్ర విధుల్లోకి తీసుకోవ‌డాన్ని ఆయ‌న త‌ప్పుబ‌ట్టారు. ఇది క‌చ్చితంగా స‌మాఖ్య‌వాదంపై దాడి చేయ‌డమేని అన్నారు. ప‌శ్చిమ బెంగాల్ ప్ర‌భుత్వాన్ని అస్థిర‌ప‌రిచే కుట్ర‌గా అభివ‌ర్ణించారు. ఈ మేర‌కు ఆయ‌న ఓ ట్వీట్ చేశారు.
I condemn the Centre’s blatant interference in the Bengal administration. Encroaching on the rights of states by attempting to transfer police officers to Centre just before elections, is an assault on federalism and an attempt to destabilize. https://t.co/sbxpZl0Nn2
— Arvind Kejriwal (@ArvindKejriwal) December 18, 2020
బీజేపీ జాతీయ అధ్య‌క్షుడు జేపీ నడ్డా ప‌శ్చిమ బెంగాల్ ప‌ర్య‌ట‌న‌కు వెళ్లిన‌ప్పుడు ఆయ‌న కాన్వా‌య్‌పై జరి‌గిన రాళ్ల దాడితో కేంద్రం, రాష్ట్ర ప్ర‌భుత్వం మ‌ధ్య వివాదం మొద‌లైంది. నడ్డాకు భద్రతా ఏర్పా‌ట్లు చేయ‌డంలో నిర్ల‌క్ష్యం వ‌హించార‌నే కార‌ణంతో ఎస్పీ, డీఐజీ, ఏడీ‌జీని వెంటనే రిలీవ్‌ చేయా‌లని బెంగా‌ల్‌ను కేంద్రం ఆదే‌శిం‌చింది.ఇందుకు దీదీ ప్ర‌భుత్వం ఒప్పుకోలేదు. కానీ వారిని డిప్యూటేషన్పై పంపా‌ల్సిం‌దే‌నని కేంద్రం మ‌రోసారి లేఖ రాసింది. దీంతో కేంద్రం కావాల‌నే క‌క్ష సాధిస్తోంద‌ని మ‌మ‌తా బెన‌ర్జీ ఆరోపిస్తున్నారు.
