కోవెలలో కపిరాజు... భక్తుడిగా ప్రతిరోజు..!

మనిషిలా కోతి ఆలయానికి వెళ్ళి దైవ దర్శనం చేసుకుంటూ ఉంటే..ఎంత సర్ప్రైసింగ్ గా ఉంటుంది..! ఎంత పవిత్రత యాడ్ అవుతుంది. ఎన్ని రామాయణం వెర్షన్స్ మైండ్ లో రన్ అవుతాయి. అన్నిటికీ మించి ఎంత ముచ్చటగా ఉంటుందో కదా.!

ఓ కోతి ప్ర‌తిరోజూ ఆల‌యానికి వెళ్లి దేవుడి ఆశీస్సులు కోరుతున్న పాత వీడియో ఒక‌టి లేటెస్ట్ గా మ‌రోసారి వైర‌ల్ అవుతోంది. సాత్విక్ సోల్ అనే ట్విట్ట‌ర్ యూజ‌ర్ ఈ వీడియోను షేర్ చేశారు. ఈ క్లిప్‌లో కోతి కొండ‌పైన ఉన్న గుడికి వెళ్లి దేవుడికి మొక్క‌డం క‌నిపిస్తుంది.

ఈ వైర‌ల్ వీడియోను ఇప్ప‌టివ‌ర‌కూ 2 ల‌క్ష‌ల మందికి పైగా వీక్షించారు. ప్ర‌తిరోజూ రాత్రి స‌మ‌యంలో కోతి ఆల‌యాన్ని సంద‌ర్శిస్తోంద‌ని వీడియోను షేర్ చేసిన యూజ‌ర్ రాసుకొచ్చారు. ఈ వీడియో అయోధ్య‌కు చెందినద‌ని చెప్పారు.

మెట్లు ఎక్కి కోతి రోజూ ఆల‌యానికి వెళ్లి దేవుడి ఆశీస్సులు పొందుతున్న వీడియో నెటిజ‌న్ల‌ను ఆక‌ట్టుకుంటోంది. ఈ వీడియోకు ఇంట‌ర్‌నెట్ ఫిదా అయింది. పెద్ద‌సంఖ్య‌లో నెటిజ‌న్లు ఈ వైర‌ల్ వీడియోపై రియాక్ట‌య్యారు. వాన‌రం భ‌క్తిని ప‌లువురు యూజ‌ర్లు మెచ్చుకున్నారు.