వినుకొండలో మిస్టరీ డెత్ - Tolivelugu

వినుకొండలో మిస్టరీ డెత్

గుంటూరు జిల్లా వినుకొండ పోలీస్ స్టేషన్లో నిందితుడు ఒకరు అనుమానస్పద స్థితిలో మరణించిన ఉదంతం సంచలనం కలిగించింది. లాకప్ డెత్ జరిగిందా.. లేక గ్రామస్తులు కొట్టడంతో మృతి చెందాడా అనేది విచారణలో తేలాల్సివుంది. 

గుంటూరు: గుంటూరు జిల్లా వినుకొండలో ఓ మిస్టరీ డెత్ జరిగింది. ఇది ఎలా జరిగిందన్నది పోలీస్ విచారణలో తేలాల్సి ఉంది. వివరాలు పరిశీలిస్తే వినుకొండ మండలం విట్టంరాజు పల్లి గ్రామానికి చెందిన పగడాల వేమారెడ్డి (60) అవివాహితుడు గ్రామంలో మంగళవారం సాయంత్రం 5 గంటల ప్రాంతంలో అదే గ్రామానికి చెందిన 3 సంవత్సరాల పాపపై అసభ్యంగా ప్రవర్తించాడనే ఆరోపణలపై గ్రామస్తలు దాడి చేసి పోలీసులకు అప్పగించారని సమాచారం. ఆరోపణలు ఎదుర్కొంటున్న వేమారెడ్డిని పోలీసులు అదుపులోకి తీసుకున్నారు. రాత్రి 9 గంటల ప్రాంతంలో కోమాలోకి చేరిన వేమారెడ్డిని వినుకొండ ప్రభుత్వ వైద్యశాలలో చేర్చారు. అప్పటికే వేమారెడ్డి మరణించినట్టు తెలుస్తోంది. వేమారెడ్డి గ్రామస్తుల దాడిలో చనిపోయాడా.. లేక లాకప్ డెత్ చేశారా అనేది విచారణలో తేలనుంది.

Share on facebook
Share on twitter
Share on whatsapp