ప్రపంచంలోనే అత్యంత పొడవైన రెండంతస్తుల ఫ్లై ఓవర్ మెట్రోగా.. నాగ్ పూర్ మెట్రో గిన్నీస్ వరల్డ్ రికార్డును సొంతం చేసుకుంది. మెట్రో నిర్మాణాల్లో ఇంత పొడువులో రెండంతస్తుల ఫ్లై ఓవర్ ఎక్కడా నిర్మించలేదు. అందుకే నాగ్ పూర్ మెట్రో ఈ ఘనతను సాధించింది. దీని పొడలు 3.14 కిలోమీటర్లు.
గిన్నీస్ బుక్ ఆఫ్ వరల్డ్ రికార్డ్స్ ఇచ్చిన సర్టిఫికెట్ ను మంగళవారం జరిగిన ఓ కార్యక్రమంలో మహారాష్ట్ర మెట్రో ఎండీ బ్రిజేష్ దీక్షిత్ తీసుకున్నారు. ఈ సందర్భంగా ఆయన మాట్లాడుతూ.. తమకు ఈ అవార్డ్ రావడంతో తమ బాధ్యత మరింత పెరిగిందన్నారు. వార్దా రోడ్డులో నిర్మాణం చేపట్టడం అతి పెద్ద సవాల్ అని, దాన్ని తాము అధిగమించినందుకు సంతోషంగా ఉందన్నారు.
అయితే నాగ్ పూర్ మెట్రో పేరు మీద గతంలో ఇంకో రికార్డ్ కూడా ఉంది. డబుల్ డక్కర్ పద్థతిలో అత్యధిక మెట్రో స్టేషన్లు కలిగి ఉండడంతో.. ఆసియా బుక్ ఆఫ్ రికార్డ్స్ లో చోటు దక్కించుకుంది. వార్గా రోడ్డులో నిర్మించిన డబుల్ డెక్కర్ వయడక్ట్ సుమారు 3.14 కిలో మీటర్ల మేర ఉంది.
ఇక నాగ్ పూర్ మెట్రో.. ఈ ఘనతను దక్కించుకున్నందుకు కేంద్ర మంత్రి నితిన్ గడ్కరీ సంతోషం వ్యక్తం చేశారు.