మధ్యప్రదేశ్‌లోని కునో నేషనల్ పార్క్ లోకి నమీబియా నుంచి వచ్చిన సాషా అనే చిరుత అనారోగ్యంతో ప్రాణాలు విడిచింది. రోజువారీ పర్యవేక్షణ తనిఖీలో అలసట, బలహీనంగా ఉన్నట్లు కనిపించేది. నాషా( చిరుత) డీహైడ్రేషన్‌కు గురైందని, కిడ్నీ సంబంధిత సమస్యలు ఉన్నాయని తేలింది.
చిరుత డీహైడ్రేషన్‌కు గురైందని, కిడ్నీ సంబంధిత సమస్యలు ఉన్నాయని తేలింది. మొదటి బ్యాచ్‌లో సాషా ఒకటి. గత సంవత్సరం నమీబియా నుంచి ప్రతిష్టాత్మకమైన పునఃప్రవేశ కార్యక్రమంలో ప్రవేశపెట్టి ఐదు ఆడ చిరుతలలో ఇది ఒకటి.
గతేడాది సెప్టెంబరులో ప్రధాని పుట్టినరోజు సందర్భంగా ఐదేళ్ల వయసున్న రెండు ఆడ చిరుతలను కునోలో ప్రవేశపెట్టారు. ఆ రెండు పెద్ద చిరుతలలో సాషా కూడా ఉంది.
గత వారం, మధ్యప్రదేశ్‌లో ఎల్టన్, ఫ్రెడ్డీ అనే మరో రెండు చిరుతలను అడవిలోకి వదిలారు. దీంతో నమీబియా నుంచి తీసుకొచ్చిన ఎనిమిది చిరుతల్లో నాలుగింటిని షియోపూర్ జిల్లాలోని పార్క్ లోని అడవిలోకి వదిలారు.
ఎనిమిది నమీబియా చిరుతల్లో ఐదు ఆడ, మూడు మగ కాగా.. భారతదేశంలోని జాతులను పునరుద్ధరించే లక్ష్యంతో తిరిగి కునో నేషనల్ పార్క్‌లోకి ప్రవేశపెట్టబడ్డాయి. ఇక్కడ అవి 70 సంవత్సరాల క్రితం అంతరించిపోయాయి.
మరో డజను చిరుతలను ఏడు మగ, ఐదు ఆడ వాటిని ఈ సంవత్సరం ఫిబ్రవరి 18 న దక్షిణాఫ్రికా నుంచి కునో నేషనల్ పార్క్‌కు తీసుకువచ్చారు. కునో నేషనల్ పార్క్ ఇప్పుడు 20 చిరుతలకు నిలయంగా ఉంది.
రాబోయే దశాబ్దంలో ఆసియా దేశానికి డజన్ల కొద్దీ ఆఫ్రికన్ చిరుతలను పరిచయం చేసేందుకు దక్షిణాఫ్రికా భారత్‌తో ఒక ఒప్పందంపై సంతకం చేసింది. ప్రపంచంలోని మొట్టమొదటి ఇంటర్‌కాంటినెంటల్ ట్రాన్స్‌లోకేషన్ ప్రాజెక్ట్ దేశంలో పెద్ద చిరుతలను తిరిగి ప్రవేశపెట్టడం లక్ష్యంగా పెట్టుకుంది.