పవర్ స్టార్ పవన్ కళ్యాణ్ ఫ్యాన్స్ ఎంతో ఆశగా ఎదురు చూస్తున్న అప్ డేట్ రానే వచ్చింది. సంక్రాంతి పండుగ సందర్భంగా బాలకృష్ణ అన్ స్టాపబుల్ సీజన్-2 పవన్ కళ్యాణ్ గ్లింప్స్ రిలీజ్ చేసింది ఆహా యూనిట్. ఇందుకు సంబంధించిన వీడియో సోషల్ మీడియాలో తెగ వైరల్ అవుతోంది.
దీంతో ఫ్యాన్స్ సంబరాలు చేసుకుంటున్నారు. ఆ వీడియోలో ‘నేను నీ కొలతలు తీసుకుంటానంటూ బాలయ్య అనగానే’.. పవన్ కళ్యాణ్ పగలబడి నవ్వారు.
గ్లింప్స్ లో పవన్ అవుట్ ఫిట్ కేక అంటూ నెటిజన్లు కామెంట్స్ చేస్తున్నారు. మరో ఎపిసోడ్ లో ఎటువంటి ప్రశ్నలు ఉండనున్నాయో అని ఆసక్తి కనబరుస్తున్నారు. అన్ స్టాపబుల్ సీజన్-2 అప్ డేట్స్ కోసం వెయిట్ చేస్తున్నారు.
ఈ గ్లింప్స్ రిలీజయ్యే దానికంటే ముందు నుంచే ఫ్యాన్స్ సంబరాలు చేసుకుంటున్నారు. ట్విట్టర్ లో హ్యాష్ ట్యాగులతో ట్రెండింగ్ సైతం చేశారు.