శ్రీమద్విరాట్ ఛలాన్ల పర్వం!

ఢిల్లీ: ఎడాపెడా ట్రాఫిక్ చలాన్లు కట్టాక టీమ్ ఇండియా కెప్టెన్ విరాట్ కోహ్లీ పరిస్థితి ఇదీ ! అంటూ నెటిజన్లు ఆటాడేసుకుంటున్నారు. మేటరేంటంటే.. కోహ్లీ ఫొటో ఒకటి సోషల్ మీడియాలో బాగా వైరల్ అయింది. ఈ ఫొటోలో విరాట్ చొక్కా విప్పేసి కూర్చుని వున్నాడు. విరాట్ ఫొటోపై స్పందిస్తున్న నెటిజన్లు సెటైర్లు విసురుతూ కమెంట్లు పాస్ చేస్తున్నారు. వెస్టిండీస్ పర్యటనను విజయంతంగా ముగించిన విరాట్.. కరేబియన్ దీవుల్లో సరదాగా సేద తీరాడు. అదుగో అక్కడ తీసిన ఫోటో ఇది. తనే ఈ ఫోటోని ట్విట్టర్‌లో షేర్ చేశాడు. ‘మనకున్న లిమిట్స్‌లో మనం బతకగలిగితే బయటి నుంచి మరేం ఆశించక్కర్లేదు..’ అంటూ కింద ఒక క్యాప్షన్ కూడా ఇచ్చాడు. జనానికి ఇది మరోలా అర్ధమైంది. ట్రాఫిక్ రూల్స్ అతిక్రమించిన కోహ్లీ ఫుల్లుగా ఛలాన్లు కట్టి ఇదిగో ఈ గెటప్‌లో మిగిలాడని వారి వ్యాఖ్య.