ప్రజా సమస్యలపై, దేశ భవిష్యత్తుపై నిర్ణయాలు తీసుకునే పార్లమెంట్‌లో డ్యాన్స్ ప్రోగ్రామ్ ఏర్పాటు చేశారు. ఆ వీడియోలు ప్రస్తుతం సోషల్ మీడియాలో వైరల్‌గా మారాయి. దీంతో ఈ ఘటన తీవ్ర విమర్శలకు దారి తీసింది. నెటిజన్లు ఆ వీడియోపై ప్రభుత్వాన్ని ఏకిపారేస్తున్నారు. దేశ భవిష్యత్‌ ఇదేనా అంటూ.. సోషల్ మీడియా వేదికగా కామెంట్లు పెడుతూ.. తమ ఆగ్రహాన్ని వ్యక్తం చేస్తున్నారు. ఇంతకీ ఇది జరిగింది ఎక్కడంటే..?
ఫ్రాన్స్‌లోని స్ట్రాస్‌బర్గ్‌లో యూరోపియన్‌ యూనియన్‌(ఈయూ) ప్రధాన కార్యాలయంలోని ఐరోపా పార్లమెంట్‌లో ఇటీవల నాలుగు రోజుల పాటు సమావేశాలు జరిగాయి. ఈ సందర్భంగా యూరప్ భవిష్యత్‌పై సమాలోచన జరిగింది. సమావేశాల చివరి రోజు పౌరుల సూచనల ఆధారంగా ఈయూ ఎలా అభివృద్ధి చెందుతుంది అన్న దానిపై చర్చించారు. అయితే, ఇంత సీరియస్‌గా సాగిన సెషన్ ముగింపు సమయంలో.. చివరి పది నిమిషాల పాటు నిర్వహించిన వినోదాత్మక కార్యక్రమాలు అందరిని షాక్‌కు గురి చేశాయి. కొంతమంది అమ్మాయిలు పార్లమెంట్‌లోకి వచ్చి డ్యాన్స్‌లు వేశారు.
దీంతో పార్లమెంట్‌ లో ఏం జరుగుతుందో అర్థంకాక నిర్ఘాంతపోయి చూశారు సభ్యులు. తన ప్రసంగం ముందు జరిగిన ఈ డ్యాన్స్‌పై ఫ్రాన్స్ అధ్యక్షుడు ఇమ్మాన్యుయేల్ మాక్రాన్ అసహనం వ్యక్తం చేశారు. మరోవైపు సంబంధిత వీడియో సోషల్ మీడియాలో ప్రత్యక్షమైంది. దాన్ని చూసిన నెటిజన్లు యూరప్ పార్లమెంట్‌ తీరుపై విమర్శలు గుప్పిస్తున్నారు. ఈ ఘటనపై రకరకాలుగా కామెంట్లు చేస్తున్నారు.
యూరోపియన్‌ యూనియన్‌(ఈయూ) భవిష్యత్తు ఇదే అయితే మీరంతా తీవ్రమైన ఇబ్బందుల్లో ఉన్నట్లే అని ఒకరు వ్యాఖ్యానించారు. ‘ఇది హాస్యాస్పదం. ఈయూతో బ్రేకప్‌ పట్ల సంతోషంగా ఉంది’ అంటూ బ్రిటన్‌కు చెందిన ఒకరు కామెంట్‌ చేశారు. ‘దరిద్రంలో ఉన్నాం. ఇది చూడటానికా బాధాకరంగా పన్నులు చెల్లించేది. ఏం స్థాయి ఇది. స్టుపిడ్’ అని మరొక ట్విట్టర్ యూజర్‌ విమర్శించారు.
#EU Interpretive dance performed at European Parliament
But Emmanuel Macron looked unimpressed as the European Parliament was treated to a nine-minute youth dance session “to embody the French Presidency of the European Council” on Monday ahead of his key speech to the assembly pic.twitter.com/g9Gqe9Qamx
— Freedom Truth Honor 🇺🇳 (@FreedomHonor666) May 10, 2022
Advertisements
