టాలీవుడ్‌లో స్టార్ హీరోయిన్‌గా కొనసాగుతున్న తమన్నా భాటియా ఈ మధ్య బాలీవుడ్ సినిమాలపై ఫోకస్ చేసింది. తెలుగులో ఫిలిం మేకర్స్ తమన్నాను సీనియర్ హీరోల పక్కన పరిగణిస్తున్నందున బీటౌన్‌ బాటపట్టింది. ఇదే క్రమంలో ‘డార్లింగ్స్, గల్లీ బాయ్స్’ చిత్రాల్లో నటుడిగా గుర్తింపు తెచ్చుకున్న విజయ్ వర్మ తో డేటింగ్‌లో ఉందనే రూమర్స్ వినిపిస్తున్నాయి. ఇతను తెలుగులో నాని హీరోగా నటించిన ‘ఎంసీఏ’ చిత్రంలో విలన్‌గా కనిపించాడు.
కాగా ఈ రూమర్డ్ లవ్‌బర్డ్స్ తాజాగా గోవాలో నిర్వహించిన న్యూ ఇయర్ సెలబ్రేషన్స్‌ పార్టీలో చాలా క్లోజ్‌గా మూవ్ అయ్యారు. హగ్స్, కిస్సింగ్స్‌తో వీరిద్దరూ ఎంజాయ్ చేస్తున్న వీడియో ప్రస్తుతం వైరల్‌గా మారింది. తమన్నా, విజయ్ 2023 న్యూ ఇయర్ వేడుకలను గోవాలో జంటగా జరుపుకున్నారు. ఈ సందర్భంగా విజయ్ వైట్ షర్ట్‌లో హ్యాండ్సమ్‌గా కనిపించగా.. తమన్నా హాట్ పింక్ కలర్ అవుట్‌ఫిట్స్‌లో హాట్‌గా దర్శనమిచ్చింది. నిజానికి వీరిద్దరూ డేటింగ్‌లో ఉన్నారని గత కొన్ని రోజుల నుంచే రూమర్స్ వ్యాపిస్తుండగా.. రీసెంట్ వీడియోతో వీరి డేటింగ్ వ్యవహారాన్ని కన్‌ఫర్మ్ చేసేస్తున్నారు ఫ్యాన్స్. అయితే ఈ పుకార్లపై తమన్నా గానీ, విజయ్ గానీ ఇంకా స్పందించలేదు.
ఇక తమన్నా, విజయ్ వర్మ ‘లస్ట్ స్టోరీస్ 2’ సెట్స్‌లో మొదటిసారి కలుసుకున్నారు. సుజోయ్ ఘోష్ దర్శకత్వంలో నెట్‌ఫ్లిక్స్ రూపొందించిన వెబ్ సిరీస్‌లో కలిసి నటిస్తున్నపుడే ఇద్దరి మధ్య క్లోజ్‌నెస్ పెరిగి రిలేషన్ ఏర్పడినట్లు తెలుస్తోంది. ఇదిలా ఉంటే.. ఆ తర్వాత కూడా తమన్నా, విజయ్ చాలాసార్లు పబ్లిక్‌గా జంటగా దర్శనమిచ్చారు. కానీ వారు డేటింగ్‌లో ఉన్నట్లు ఎవరూ ఊహించలేదు. అయితే తమన్నా పుట్టిన రోజున విజయ్.. ఆమె నివాసంలో కనిపించాడు. ఇటీవల, దిల్జిత్ దోసాంజ్ కన్సర్ట్‌లో ఇద్దరూ కలిసి పాప్ చేశారు. సంబంధిత వీడియో కూడా సోషల్ మీడియాలో వైరల్ అయింది.
కెరీర్ విషయానికొస్తే.. తమన్నా ‘భోలా శంకర్‌’ చిత్రంలో చిరంజీవి సరసన నటిస్తోంది. ఈ సినిమాకు మెహర్ రమేష్ దర్శకుడు కాగా.. ఇందులో కీర్తి సురేష్ కీలక పాత్రలో కనిపించనుంది. ఈ చిత్రం ఏప్రిల్ 14న విడుదల కానుంది. అంతేకాదు ‘కిట్టి’ అనే మలయాళ చిత్రం కూడా ఆమె ఖాతాలో ఉంది. మరోవైపు విజయ్ వర్మ.. ‘మీర్జాపూర్ 3’ వెబ్ సిరీస్‌లో కనిపించనున్నాడు. ఇదేగాక సోనాక్షి సిన్హాతో కలిసి ఇండియన్ వెబ్ సిరీస్ ‘దహాద్’తో పాటు కరీనా కపూర్ ఖాన్, జైదీప్ అహ్లావత్‌తో కలిసి ది ‘డివోషన్ ఆఫ్ సస్పెక్ట్ ఎక్స్‌’లో నటిస్తున్నాడు.
@tamannaahspeaks and @MrVijayVarma papped at Mumbai yesterday ❤️. #LustStories2 🔥. #Tamannaah #TamannaahBhatia𓃵 #TamannaahSpeaks #TamannahBhatia #TamannaahBhatia #VijayVarma#thatismahalakshmi #GurtundaSeethakaalam #bolechudiyan #BholaaShankar #JeeKardaOnPrime #BandraMovie pic.twitter.com/eDcuoFGhMi
— Suriya_Tamannaah ™️ (@Suriya_Speaks) November 15, 2022