ఆదివారం కొత్త పార్లమెంట్ భవనాన్ని ప్రధాన మంత్రి నరేంద్ర మోడీ ప్రారంభిస్తున్న విషయం తెలిసిందే. ఈ పార్లమెంట్ భవనంలో ప్రత్యేక ఆకర్షణ గా నిలవనుంది ”సెంగోల్” వేడుక. ఈ వేడుక కోసం తమిళనాడు నుంచి వివిధ అధీనాల నుంచి సుమారు 30 మంది అధిపతులు దేశ రాజధాని నగరం ఢిల్లీకి చేరుకున్నారు. ఈ కార్యక్రమం నిర్వహించేందుకు దాదాపు 60 మంది మత పెద్దలను ఈ కార్యక్రమానికి పిలిచారు. వీరిలో చాలా మంది తమిళనాడుకు చెందిన వారే.
సెంగోల్ ని సిద్ధం చేసే పనిని అప్పగించిన తిరువావడుతురై అధీనం 400 సంవత్సరాల నాటిది. ఈ మఠానికి చెందిన వారు కూడా ఢిల్లీకి చేరుకుంటున్నారు. ఇక్కడకు చేరుకున్న మఠాధిపతులకు తమిళ సంప్రదాయాలు, ఆచార వ్యవహారాలపై అపారమైన అవగాహన ఉందని, సెంగోల్, తమిళ ఆచారాలతోనే పార్లమెంట్ సుసంపన్నం అవుతుందని ఆలయ అధ్యక్షుడు వి బాల సుబ్రమణ్యం అన్నారు.
సెంగోల్ అనేది న్యాయానికి చిహ్నం. అటువంటి సాంప్రదాయ చిహ్నాలకు సరైన స్థానం లభిస్తున్నందుకు మనం గర్వపడాలని ఆయన అన్నారు. శుక్రవారం సెంగోల్ చరిత్ర గురించి భారతదేశ స్వాతంత్య్రంలో దాని ప్రాముఖ్యత గురించి బీజేపీ చేసిన వాదనలపై కాంగ్రెస్ ప్రశ్నలు లేవనెత్తింది.
స్వాతంత్య్ర సమరయోధుడు సి రాజగోపాలాచారి పట్టుదలతో సెంగోల్‌ను అధికార మార్పిడికి చిహ్నంగా చేశారన్న వాదన బూటకమని కాంగ్రెస్ ప్రధాన కార్యదర్శి జైరాం రమేష్‌ ఆరోపించారు. ఆర్జేడీ, డీఎంకే కూడా ఇలాంటి ప్రశ్నలే లేవనెత్తాయి.
కానీ ప్రశ్నించిన మఠం, తిరువావడుతురై అధినం, కాంగ్రెస్ చేసిన వాదనలతో నిరాశను ఉటంకిస్తూ ఒక వివరణ ఇచ్చింది.కాంగ్రెస్ పార్టీ హిందూ పురాతన చిహ్నాలను మాత్రమే కాకుండా పవిత్ర పురుషులను కూడా అగౌరవపరుస్తోందని హోంమంత్రి అమిత్‌ షా అన్నారు.