వెంకటేష్, వరుణ్ తేజ్ సూపర్ క్రేజీ మల్టీస్టారర్ ‘F3’ సినిమాలోని థీమ్ సాంగ్ ఇప్పటికే చార్ట్ బస్టర్ గా నిలిచింది. లబ్ డబ్ డబ్బు అనే లిరిక్స్ తో సాగే ఈ పాట కోసం దేవి శ్రీ ప్రసాద్ ఎనర్జిటిక్ ట్యూన్ ని కంపోజ్ చేశారు. సినిమాలోని కీలకమైన నటీనటులంతా ఈ సాంగ్ లో కనిపించారు.
అనిల్ రావిపూడి దర్శకత్వం వహిస్తున్న ఈ చిత్రంలో తమన్నా, మెహ్రీన్, సోనాల్ చౌహాన్ హీరోయిన్లుగా నటిస్తున్నారు. సినిమా మ్యూజికల్ ప్రమోషన్‌లలో భాగంగా ఏప్రిల్ 22న చిత్ర యూనిట్ సెకెండ్ సింగిల్ ‘వూ.. ఆ.. ఆహా.. ఆహా..ఆహా’ పాటని విడుదల చేయనుంది.
ఈ సందర్భంగా పోస్టర్ విడుదల చేశారు మేకర్స్. ఇందులో హీరోహీరోయిన్లు తాడు ఆట ఆడడం చూపించారు. ఒక వైపు తమన్నా, మెహ్రీన్ సోనాల్ చౌహాన్ తాడును లాగుతుండగా మరోవైపు వరుణ్ తేజ్ ఒంటరిగా కష్టపడటం, వెంకటేష్ తన మార్క్ స్టయిల్ లో వరుణ్ ని ప్రోత్సహించడం ఆకట్టుకుంది. వెంకటేష్, వరుణ్ తేజ్ కూల్‌గా కనిపిస్తుండగా, తమన్నా, మెహ్రీన్, సోనాల్ గ్లామర్‌గా కనిపిస్తున్నారు.
రాజేంద్ర ప్రసాద్, సునీల్ ఈ చిత్రంలో ఇతర కీలక పాత్రలలో కనిపిస్తుండగా స్టార్ హీరోయిన్ పూజా హెగ్డే పార్టీ సాంగ్ లో సందడి చేయనుంది. దిల్ రాజు సమర్పణలో శిరీష్ నిర్మాణంలో శ్రీ వెంకటేశ్వర క్రియేషన్స్ బ్యానర్ పై ఈ చిత్రం తెరకెక్కుతోంది. ప్రేక్షకులకు నవ్వులు పంచడానికి మే 27న ఎఫ్ 3 ప్రపంచవ్యాప్తంగా విడుదలకు సిద్ధమైంది.
