వైఎస్ వివేకా హత్య కేసులో రోజుకో ట్విస్ట్ బయటకు వస్తుంది. తాజాగా వైఎస్ వివేకా హత్య కేసులో మాజీ పీఏ కృష్ణారెడ్డి ని సీబీఐ అధికారులు ప్రెజర్ చేసి కొందరి పేర్లు చెప్పాలని బెదిరించారని పులివెందుల కోర్టులో కృష్ణారెడ్డి తరపు అడ్వకేట్ ఫిర్యాదు చేశారు. సిబిఐ అధికారులు తనను అనేకమార్లు పులివెందుల నుంచి ఢిల్లీకి పిలిచి విచారణ చేసి తనను ఇబ్బందులకు గురి చేశారని కొందరు వ్యక్తుల పేర్లు చెప్పాలని తనను ప్రెజర్ చేశారని తనపై థర్డ్ డిగ్రీ ప్రయోగం చేశారని కోర్టు కు ఇచ్చిన ఫిర్యాదులో కృష్ణారెడ్డి తరపు అడ్వకేట్ పేర్కొన్నారు.
సీబీఐ అధికారులు తనను వేధిస్తున్నారని పులివెందుల పోలీస్ స్టేషన్ లో, అలాగే జిల్లా ఎస్పీకి ఫిర్యాదు చేసినా ఎటువంటి చర్యలు లేకపోవడంతో కోర్టులో ఫిర్యాదు చేశామని లాయర్ లోకేశ్వర్ రెడ్డి తెలిపారు.
