ఎయిర్ పోర్టులో తనిఖీలు సర్వసాధారణం. అందులోనూ ఎక్కడికక్కడ కట్టుదిట్టమైన భద్రత ఉంటుంది. ప్రయాణికులను క్షుణ్ణంగా తనిఖీ చేయనిదే లోపలికి అనుమతించరు. విమాన ప్రయాణికుల లగేజీని స్కానింగ్ చేస్తారు. సూట్ కేసుల్లో, వాళ్ల బ్యాగుల్లో ఏముందో తెలుసుకున్న తర్వాతే క్యాబిన్ లోకి పంపిస్తారు.
ఇలా న్యూయార్క్ జేఎఫ్ కే అంతర్జాతీయ ఎయిర్ పోర్టులో ఓ వింత సంఘటన చోటు చేసుకుంది. అక్కడ ఓ ప్రయాణికుడిని తనిఖీ చేసిన సిబ్బంది ఒక్కసారిగా షాక్ కి గురయ్యారు. సదరు ప్రయాణికుడి సూట్ కేసులో ఓ పిల్లి ఉన్నట్టు స్కాన్ లో తేలడంతో అంతా నోరెళ్లబెట్టారు.
న్యూయార్క్ నుంచి ఫ్లోరిడా వెళ్తున్న ప్యాసింజర్ కు చెందిన లగేజీలో పిల్లిని గుర్తించారు. మొదట షాకైన సెక్యూరిటీ సిబ్బంది తర్వాత దాన్ని బయటకు తీసి తిరిగి సదరు ప్రయాణికుడికే అప్పగించారు.
ఈ విషయాన్ని జేఎఫ్ కే ఎయిర్ పోర్టు సిబ్బంది ట్విటర్ లో షేర్ చేశారు. ప్రస్తుతం ఈ వార్త కాస్తా.. సోషల్ మీడియాలో వైరల్ గా మారింది. అయితే తన పెంపుడు పిల్లి సూట్ కేస్ లోకి ఎలా వచ్చిందో తెలియదని ప్రయాణికుడు తెలిపాడు.
We’re letting the cat out of the bag on a hiss-toric find. This CATch had our baggage screening officers @JFKairport saying, “Come on meow”! Feline like you have travel questions reach out to our furiends @AskTSA. They’re available every day, from 8 a.m. – 6 p.m. (ET). pic.twitter.com/LpIkLbAgzC
— TSA (@TSA) November 22, 2022