న్యూజిలాండ్ ప్రధాని జెసిండా ఆర్డర్స్ సంచలన ప్రకటన చేశారు. వచ్చే నెల మొదటి వారంలో తాను ప్రధాని పదవి నుంచి తప్పుకుంటానని వెల్లడించారు. ఇదే తనకు సరైన సమయమన్నారు. అందుకే ప్రధాని పదవికి రాజీనామా చేస్తున్నట్లు అధికార లేబర్‌ పార్టీ సమావేశంలో ఆమె పేర్కొన్నారు.
లేబర్‌ పార్టీ తదుపరి నాయకున్ని ఎన్నుకునే ప్రక్రియ ఈ నెల 22న జరుగుతుందని ఆమె వెల్లడించారు. ఈ ఏడాది అక్టోబర్ 14న సాధారణ ఎన్నికలు జరుగుతాయని తెలిపారు. ఫిబ్రవరి 7 తర్వాత ఆమె పదవీ కాలం ముగియనుంది. రాబోయే ఎన్నికల్లో లేబర్‌ పార్టీ గెలుస్తుందని ఆమె ఆశాభావం వ్యక్తం చేశారు.
2017లో న్యూజిలాండ్ ప్రధానిగా తొలిసారి జెసిండా ఆర్డెర్న్‌ ఎన్నికయ్యారు. భాగస్వామ్య పక్షాలతో కలిసి ఆమె ప్రభుత్వాన్ని ఏర్పాటు చేశారు. ఆ తర్వాత 2020 నవంబర్‌లో జరిగిన ఎన్నికల్లో ఆమె నేతృత్వంలో లేబర్‌ పార్టీ సాధారణ ఎన్నికల బరిలో నిలిచింది. కానీ ఆశించినంత స్థాయిలో పార్టీ రాణించలేకపోయింది.
120 సీట్లకు గాను 64 స్థానాల్లో లేబర్‌ పార్టీ గెలుపొందింది. దేశంలో కొవిడ్‌ను పూర్తి స్థాయిలో కట్టడి చేయలేకపోయారు. ఆర్థిక మందగమనం లాంటి పరిస్థితుల్లో ఇప్పుడు ఆమె నాయకత్వంపై ప్రజల్లో నమ్మకం సన్నగిల్లింది. దీంతో పాటు ఆమె వ్యక్తిగత ఇమేజ్ కూడా దెబ్బతిన్నది. ఇటీవల జరిగిన ఎన్నికల్లోనూ లేబర్‌ పార్టీ ఘోర ఓటమిని చవిచూసింది. దీంతో తాను మరి కొంత కాలం ప్రధాని పదవిలో కొనసాగలేనని ఆమె ప్రకటించారు.