యంగ్ అండ్ ప్రామిసింగ్ హీరో నిఖిల్ సిద్ధార్థ 19వ చిత్రానికి గూఢచారి, ఎవరు, హిట్ వంటి హిట్ చిత్రాల ఎడిటర్ గ్యారీ బీహెచ్ దర్శకత్వం వహిస్తున్నాడు. ఈడీ ఎంటర్టైనమెంట్స్ పతాకంపై కె రాజశేఖర్ రెడ్డి నిర్మిస్తున్నారు. చరణ్ తేజ్ ఉప్పలపాటి సీఈఓగా వ్యవహరిస్తున్నారు. ఈ మూవీ నెక్ట్స్ షెడ్యూల్ మార్చి నుండి మనాలీలో ప్రారంభమవుతుంది.
ఈ షెడ్యూల్లో కొన్ని హై-ఆక్టేన్ యాక్షన్ సన్నివేశాలను చిత్రీకరించనుంది యూనిట్. వాటి కోసం నిఖిల్ ఊపిరి బిగబట్టే స్టంట్స్ చేయడానికి శిక్షణ తీసుకుంటున్నాడు. ఏకంగా లైవ్ వెపన్ ట్రైనింగ్ తీసుకుంటున్నాడు నిఖిల్.
ఇదే విషయాన్ని సోషల్ మీడియా ద్వారా తెలుపుతూ ఫోటోలను పంచుకున్నారు. యాక్షన్తో కూడిన స్పై థ్రిల్లర్ గా భారీ స్థాయిలో రూపొందుతున్న ఈ చిత్రానికి టైటిల్ కన్పర్మ్ చేయాల్సిఉంది. మొదట స్పై అనే టైటిల్ అనుకున్నప్పటికీ, దాన్ని వర్కింగ్ టైటిల్ గా మార్చేశారు. ఈ చిత్రంలో నిఖిల్ సరసన ఐశ్వర్యా మీనన్ హీరోయిన్ గా నటిస్తోంది.
ఈ సినిమా ఫస్ట్ షెడ్యూల్ హైదరాబాద్లో పూర్తయ్యింది. ఈ హై బడ్జెట్ ఎంటర్ టైనర్ కు శ్రీచరణ్ పాకాల మ్యూజిక్ డైరెక్టర్.