ఫిజిక్స్ (భౌతిక శాస్త్రం) విభాగంలో ముగ్గురు శాస్త్రవేత్తలకు నోబెల్ ప్రైజ్ ను ప్రకటించారు. అలేన్ ఆస్పెక్ట్, జాన్ ఎఫ్ క్లాజర్, ఆంటోన్ జిలింగర్‌ల‌ను ఫిజిక్స్ నోబెల్ బహుమతి వ‌రించింది. ఫోటాన్ల ప‌రిశోధ‌న, క్వాంట‌మ్ ఇన్‌ఫ‌ర్మేష‌న్ సైన్స్‌లో చేసిన ప్ర‌యోగాల‌కు గాను ముగ్గురు శాస్త్రవేత్తలకు భౌతిక‌శాస్త్ర నోబెల్ దక్కింది. 2022 సంవత్సరానిగానూ వీరిని నోబెల్ అవార్డుకు ఎంపిక చేశారు. ఈ విషయాన్ని రాయల్ స్వీడిష్ అకాడమీ ఆఫ్ సైన్సెస్ అధికారికంగా ప్రకటించింది. ఈ ముగ్గురి శాస్త్ర‌వేత్త‌ల ప‌రిశోధ‌న ఆధారంగా క్వాంట‌మ్ ఇన్ఫ‌ర్మేష‌న్‌లో కొత్త టెక్నాల‌జీకి మార్గం ఈజీ అయింది. ప్ర‌స్తుతం క్వాంట‌మ్ కంప్యూట‌ర్స్‌, క్వాంట‌మ్ నెట్‌వ‌ర్క్స్‌, సెక్యూర్ క్వాంట‌మ్ ఇన్‌క్రిప్టెడ్ క‌మ్యూనికేష‌న్‌లో విస్తృత స్థాయిలో ప‌రిశోధ‌న‌లు జ‌రుగుతున్నాయి.
BREAKING NEWS:
The Royal Swedish Academy of Sciences has decided to award the 2022 #NobelPrize in Physics to Alain Aspect, John F. Clauser and Anton Zeilinger. pic.twitter.com/RI4CJv6JhZ— The Nobel Prize (@NobelPrize) October 4, 2022
కాగా నోబెల్ బహుమతి గ్రహీతల ముగ్గురికీ రూ.10 లక్షల స్వీడిష్ క్రోనర్‌ నగదు అందుతుంది. వీటిని ఈ ఏడాది డిసెంబర్‌ 10న అవార్డు గ్రహీతలకు అందజేస్తారు. స్వీడిష్ ఆవిష్కరణ కర్త, ఇంజినీర్‌, వ్యాపారవేత్తగా పేరుగాంచిన ఆల్‌ఫ్రెడ్‌ నోబెల్ పేరు మీదుగా ప్రపంచంలో వివిధ రంగాల్లో విశేష సేవలందించిన వారికి ఈ అవార్డును ప్రదానం చేస్తున్నారు. 1896లో ఆల్‌ఫ్రెడ్‌ నోబెల్ మరణించగా.. 1901 నుంచి ఆయన ట్రస్ట్ ద్వారా ఈ అవార్డును అందజేస్తున్నారు.
ఇక అంతకుముందు సోమవారం వైద్య రంగంలో నోబెల్ ప్రైజ్ ను ప్రముఖ శాస్త్రవేత్త స్వాంటె పాబోకు ప్రకటించారు. మానవ పరిణామ క్రమంతో పాటు అంతరించిపోయిన హోమినిన్‌ జన్యువులకు సంబంధించిన ఆవిష్కరణలకుగానూ పాబోకు ఈ పురస్కారం దక్కింది. అలేన్ ఆస్పెక్ట్ 1947లో ఫ్రాన్స్‌లో ఏజెన్‌లో జ‌న్మించారు. పారిస్‌లోని స‌డ్ యూనివ‌ర్సిటీ నుంచి 1983లో పీహెచ్‌డీ పూర్తి చేశారు.
పారిస్‌-సాక్లే అండ్ ఈకోల్ పాల‌క్నిక్ కాలేజీలో ప్రొఫెస‌ర్‌గా చేస్తున్నారు. అమెరికాలోని కాలిఫోర్నియాలో ఉన్న ప‌స‌డేనాలో జాన్ ఎఫ్ క్లాజర్ 1942లో జ‌న్మించారు. న్యూయార్క్‌లోని కొలంబియా వ‌ర్సిటీ నుంచి 1969లో పీహెచ్‌డీ చేశారు. ప్ర‌స్తుతం రీస‌ర్చ్ ఫిజిస్ట్‌గా చేస్తున్నారు. ఆస్ట్రియాలోని రీడ్‌లో ఆంటోన్ జీలింగ‌ర్ జ‌న్మించారు. వియ‌న్నా వ‌ర్సిటీలో 1971లో పీహెచ్‌డీ పూర్తి చేశారు. వియ‌న్నా యూనివ‌ర్సిటీలో ప్రొఫెస‌ర్‌గా చేశారు.