మార్చి 25వ తేదీన ఇస్రోతో కలిసి 36 ఇంటర్నెట్ శాటిలైట్లను ప్రయోగించబోతుంది వన్ బెట్. భార‌తీ ఎంట‌ర్‌ ప్రైజ‌స్ ప్రోత్సాహంతో, వన్ వెబ్ కంపెనీ స‌హాయంతో ఇస్రో 36 ఇంటర్నెట్ శాటిలైట్లను ప్ర‌యోగించ‌నున్న‌ది. ఇప్ప‌టి వ‌ర‌కు వ‌న్‌వెబ్ సంస్థ 18 సార్లు శాటిలైట్లను ప్ర‌యోగించింది. ఈ ఏడాది ఇది మూడ‌వ ప‌రీక్ష కానున్న‌ది.
మార్చి 25వ తేదీన ఈ ప్ర‌యోగం జ‌ర‌గ‌నున్న‌ట్లు ప్రాథ‌మికంగా తెలుస్తోంది. గ్లోబ‌ల్ ఎల్ఈవో కాన్‌ స్టెల్లేష‌న్‌ లో భాగంగా ఆ ప్రాజెక్టును చేప‌ట్టారు. శ్రీహ‌రికోట‌లోని స‌తీష్ ధావ‌న్ స్పేస్ సెంట‌ర్ నుంచి ఆ శాటిలైట్లను ప్రయోగిస్తారు. 36 శాటిలైట్ల ప్ర‌యోగం సంద‌ర్భంగా వ‌న్‌వె బ్ కంపెనీ స్టేట్మెంట్ రిలీజ్ చేసింది.
వన్ వెబ్ చ‌రిత్ర‌లో ఇది ప్ర‌తిష్టాత్మ‌క మైలురాయిగా నిలుస్తుంద‌ని చెప్పారు. వన్ వెబ్ శాటిలైట్లను ఇస్రో ప్ర‌యోగించ‌డం ఇది రెండ‌వ‌సారి అవుతుంది. ఇస్రోకు చెందిన క‌మ‌ర్షియ‌ల్ విభాగం ఎన్ఎస్ఐఎల్ ఈ ప్ర‌యోగాన్ని నిర్వ‌హిస్తుంది.
లాంచ్ వెహికిల్ మార్క్‌-3 రాకెట్ ద్వారా .. లో ఎర్త్ ఆర్బిట్‌ లోకి శాటిలైట్లను పంప‌నున్నారు. వన్ వెబ్ కంపెనీ ఇటీవ‌ల స్పేస్ ఎక్స్ ఫాల్క‌న్‌-9 రాకెట్ ద్వారా 40 ఇంటర్నెట్ శాటిలైట్లను ప్ర‌యోగించిన విష‌యం తెలిసిందే.