పాకిస్థాన్ దైన్య స్థితికి మ‌రో ఉదాహ‌ర‌ణ ఇది. దేశాన్ని పాలించ‌డమంటే.. ఉగ్ర‌వాదాన్ని పోషించినంత సులువుకాద‌ని ఇప్పుడిప్పుడే అర్థం చేసుకుంటోంది ఆదేశం. ఇప్ప‌టికే అప్పుల కుప్ప‌గా మారి తీవ్ర ఆర్థిక సంక్షోభంలో కొట్టుమిట్టాడుతున్న పాకిస్థాన్.. క‌నీస అవ‌స‌రాలు తీర్చుకోలేక అపసోపాలు ప‌డుతోంది. డ‌బ్బుల కోసం చివరికి ప్ర‌ధాని నివాసాన్ని కూడా అద్దెక్కిచిన ఇమ్రాన్ ఖాన్ స‌ర్కార్.. తాజాగా అలాంటి మ‌రో చ‌ర్య‌తో ప్ర‌పంచ‌వ్యాప్తంగా న‌వ్వుల‌పాల‌వుతోంది.
పాకిస్థాన్ పంజాబ్ ప్రావిన్స్‌లోని ఖ‌నెవాల్ క్రికెట్ స్టేడియాన్ని.. వ్య‌వ‌సాయం క్షేత్రంగా మార్చారు. దాన్ని నిర్వ‌హ‌ణ భారం కావ‌డంతో రైతుల‌కు అప్ప‌గించారు. అందులో ఇప్పుడు కూర‌గాయ పంట‌ల‌ను సాగు చేస్తున్నారు. గుమ్మడికాయ, మిరపకాయను పండిస్తున్నారు. ఇందుకు సంబంధించిన వార్త‌ను న్యూస్ ఛానెల్ ఒక‌టి ప్ర‌సారం చేసింది. ల‌క్ష‌లు ఖ‌ర్చుపెట్టి ఇటీవ‌లే నిర్మించిన క్రికెట్ స్టేడియంను.. వ్య‌వ‌సాయం క్షేత్రంగా మార్చ‌డాన్ని త‌మ క‌థ‌నంలో ఏకిపారేసింది.
Where are authorities????
Look how they are destroying 🏏 stadium, how they are playing with future of 🇵🇰, this is KHANEWAL’s Cricket Stadium’ Sad story….
کاش کسی کو پاکستان کے مستقبل کی فکر ہو تو یہ مرچیں کھلاڑیوں کے زخموں پر نہ لگیں pic.twitter.com/r3A8K2UfWt— Shoaib Jatt (@Shoaib_Jatt) August 16, 2021
Advertisements
ఈ వీడియోను చూసిన పాక్ నెటిజ‌న్లు ప్ర‌భుత్వంపై మండిప‌డుతున్నారు. ప్ర‌భుత్వం తీరుతో చివరికి పాక్ క్రికెట్‌కు కూడా చెడ్డపేరు వ‌స్తోంద‌ని మండిప‌డుతున్నారు.
