పైలట్ పరధ్యానమో, హెలికాప్టర్ సాంకేతిక లోపమో తెలీదుగానీ ఓ పైలట్ హెలికాప్టర్ పై నియంత్రణ కోల్పోయాడు.దీంతో దాన్నిగాల్లోకి నిలబెట్టే ఫ్యాన్ రెక్క విరిగి పోయింది. నిషా ఎక్కిన మందుబాబులా ఓ పక్కను వచ్చి దడేల్ మని పడిపోయింది . సోషల్ మీడియా వేదికగా ఈ వీడియో వైరల్ అయ్యింది. రెండు కార్ల సమీపంలోని ఒక మొబైల్‌ మినీ హెలిప్యాడ్‌పై ఉన్న హెలికాప్టర్‌ను టేకాఫ్‌ కోసం పైలట్ ప్రయత్నించాడు. ఈ సందర్భంగా ఆ హెలికాప్టర్‌పై నియంత్రణ కోల్పోయాడు. గమనించిన ఒక వ్యక్తి ఆ పైలట్‌కు సూచనలు ఇచ్చేందుకు ప్రయత్నించాడు.
అయినప్పటికీ ఫలితం లేకపోయింది. గాల్లోకి లేచిన ఆ హెలికాప్టర్ నియంత్రణ కోల్పోయి ఒక్కసారిగా పక్కకు కూలింది. దీంతో దాని రెక్కలు, తోక భాగం విరిగాయి.కాగా, లాన్స్ అనే ట్విట్టర్ యూజర్‌ ఈ వీడియోను ట్విట్టర్‌లో పోస్ట్‌ చేశారు.
‘వీడియో లేకుండా బీమా కంపెనీకి దీనిని వివరించడానికి ప్రయత్నించండి’ అన్న శీర్షికతో చమత్కరించారు. ఈ వీడియో క్లిప్‌ సోషల్ మీడియాలో వైరల్ అయ్యింది. నెటిజన్లు కూడా పలు విధాలుగా స్పందించారు. కొందరు ఫన్నీగా కామెంట్లు చేశారు.
Imagine tryna explain this to the insurance company without the video pic.twitter.com/fEg8DtS6Be
— Lance🇱🇨 (@BornAKang) December 28, 2022