నేటి సమాజంలో ఆడవారికి ఎక్కడ రక్షణ లేకుండా పోతుంది. బడికే కాదు.. గుడికి వెళ్లాలన్న భయపడే పరిస్థితులు వచ్చాయి. ఈ పూజారి … గుడికి వచ్చే మహిళలను లైంగికంగా లొంగదీసుకుంటున్నాడు.. అంతటితో ఆగక వారి ఆస్తిపై సైతం కన్నేస్తున్నాడు.
అతనికి అతని సోదరి ఈ వ్యవహారంలో సహాయ పడుతుంటడం గమనార్హం. మొత్తానికి ఓ మహిళ ఫిర్యాదుతో అసలు విషయం వెలుగులోకి వచ్చింది.జగద్గిరిగుట్ట పోలీస్ స్టేషన్ పరిధిలోని ఆస్బెస్టాస్ కాలనీలోని ఆంజనేయ స్వామి గుడిలో వేల్పూరి రాము అనే పూజారి… గుడికి వచ్చే అమాయక మహిళల్ని పూజల పేరుతో లైంగికంగా లొంగదీసుకుంటున్నాడు.
అతడిని జగద్గిరిగుట్ట పోలీసులు అరెస్టు చేశారు. పూజల పేరుతో శారీరకంగా వాడుకోవడమే కాకుండా మహిళల ఆస్తులపై సైతం కన్నేస్తున్నాడు. దీంతో అతని వ్యవహారం వెలుగులోకి వచ్చింది. ఓ బాధిత మహిళ పూజారిపై పోలీసులకు ఫిర్యాదు చేసింది.
దీంతో జగద్గిరిగుట్ట పోలీసులు వేల్పూరి రాముపై ఐపీసీ 417, 354A, 354C, 506, 376(2)(N), 384 r/w, 109 సెక్షన్లతో పాటు 66E, 67A ఐటీ యాక్ట్ కింద పోలీసులు కేసు నమోదు చేశారు. పూజారి వేల్పూరి రాముకు సహకరిస్తున్న అతని సోదరి కూర్మాచలం విజయలక్ష్మిని సైతం పోలీసులు అరెస్టు చేశారు.