వివాదాల దర్శకుడు రామ్ గోపాల్ వర్మకు నిర్మాత నట్టి కుమార్ షాక్ ఇచ్చాడు. తన వ‌ద్ద రూ.5.29 కోట్లు తీసుకున్నాడ‌ని.. అవి తిరిగి చెల్లించేవరకు మా ఇష్టం సినిమాను రిలీజ్ చేయకుండా ఆపాలని నట్టి కుమార్ కేసు వేశాడు. దీంతో కోర్టు సినిమాను రిలీజ్ చేయకుండా స్టే విధించింది. దానికి తోడు రామ్ గోపాల్ వర్మ ఒక మోసగాడు.. అతడి బండారం బయటపెడతాను అంటూ నట్టి కుమార్ చేసిన వ్యాఖ్యలు నెట్టింట వైరల్ గా మారాయి.
కాగా.. ఈ వివాదంపై వర్మ స్పందించాడు. ఒక వీడియో ద్వారా నట్టి కుమార్ చేసిన ఆరోపణలను పెద్దగా పట్టించుకోనవసరం లేదని తేల్చి చెప్పాడు. ”నట్టికుమార్‌ నాపై చేసిన ఆరోపణలు, అభియోగాలు లీగల్ గా ఉండి నోటీసులు ఇస్తే.. వాటికి నా అడ్వకేట్‌ సరైన సమాధానం ఇస్తారు. ఇక నాపై అతను చేసిన వ్యక్తిగత ఆరోపణల గురించి చెప్పను. దానికి సమాధానం ఎలా చెప్పాలో నాకు తెలుసు. ఎందుకంటే నట్టి కుమార్ గురించి అందరికీ తెలిసిందే అంటు రామ్ గోపాల్ వర్మ ట్వీట్ చేశారు.
అతడికి ప్రెస్ మీట్లు పెట్టి ఎదుటివారిపై ఆరోపణలు చేయడమే త‌ప్ప మ‌రొక ప‌ని లేదని వర్మ అన్నారు. గతంలో చిరంజీవి, సురేశ్‌బాబు మీద ఇలాగే ఆరోపణలు చేశాడ‌ని గుర్తు చేశారు. ఇప్పుడు త‌నపైన లేనిపోని విమ‌ర్శ‌లు చేస్తున్నాడని విరుచుకుప‌డ్డారు వర్మ.
తన కూతురు, కొడుకు సినిమాలకు సపోర్ట్ చేయలేదని.. కమీషన్ రాలేదని కొందరిని దూషించే ప‌ని పెట్టుకున్నాడ‌ని ఆరోపించారు. అయితే.. తన సినిమా రిలీజ్ వాయిదా పడడానికి ఇది కారణం కాదని వివ‌రిన ఇచ్చారు. దానికి సమాధానం త్వరలో చెబుతాన‌న్నారు వర్మ. ప్రస్తుతం ఈ వీడియో నెట్టింట వైరల్ గా మారింది.
