విమానం ఎగిరిన కొద్ది నిమిషాల‌కే పక్షి ఢీకొట్ట‌డంతో ఇంజిన్‌లో మంటలు రేగాయి. అంతే విమానంలో ఉన్న 185 మంది ప్రాణాలు అర‌చేతిలో ప‌ట్టుకుని కూర్చున్నారు. కానీ మ‌న ఫైల‌ట్ గారు ఎంతో చాకచక్యంగా ఆలోచించి ఒక ఇంజ‌న్ తోనే విమానాన్ని సురక్షితంగా ల్యాండ్ చేసి ప్ర‌యాణికులంద‌రిని కాపాడి సూప‌ర్ ఉమెన్ గా నిలిచారు.
స్పైస్ జెట్ విమానం నిన్న టేకాఫ్ అయిన కొద్దిసేప‌టికే ఇంజ‌న్ ను పక్షి ఢీకొట్టింది.దాంతో ఇంజ‌న్ లో మంటలు చెల‌రేగాయి. అది గ‌మ‌నించిన ఫైల‌ట్ మోనికా ఖన్నా.. ఎంతో తెలివిగా ఒక ఇంజ‌న్ ను ఆపివేశారు. ఒక ఇంజ‌న్ తోనే విమానాన్ని తిరిగి పాట్నా విమానాశ్ర‌యంలో ల్యాండ్ చేశారు. విమానంలో ప్ర‌యాణిస్తున్న 185 మంది ప్రాణాల‌ను కాపాడారు. అంతా మంది ప్రాణాల‌ను కాపాడిన ఆమెపై సర్వత్రా ప్రశంసల వర్షం కురుస్తోంది.
ఈ సంఘటన జరిగిన మరుసటి రోజు తమ పైలట్లపై ప్రశంసలు కురిపించారు స్పైస్జెట్ చీఫ్ ఆఫ్ ఫ్లైట్ ఆపరేషన్స్, హెడ్ ఆఫ్ పైలట్స్ గురుచరణ్ అరోడా. తమ పైలట్లు చేసిన పనికి గర్వంగా ఉందని, వారు నిపుణులైనందున వారిపై ప్రయాణికులు నమ్మకంగా ఉండాలని కోరారు.
“స్పైస్జెట్ పైలట్లు అందరిపైనా నమ్మకం ఉంచాలని ప్రయాణికులను కోరుతున్నా. విమానం నడపటంలో వారికి ఎంతో నైపుణ్యం ఉంది. పాట్నాలో జరిగిన సంఘటనలో స్పైస్జెట్ పైలట్లు వ్యవహరించిన తీరు మాకు ఎంతో గర్వకారణం. ఎలాంటి పరిస్థితులనైనా ఎంతో ఓపికగా ఎందుర్కోగల సామర్థ్యం మా పైలట్లకు ఉంది. వారిపట్ల ప్రయాణికులంతా గర్వపడాలి అంటున్నారు గురుచరణ్.
మోనికా ఖన్నాపై స్పైస్జెట్ ప్రశంసలు.. విమానంలో మంటలు చెలరేగి.. క్లిష్ట పరిస్థితులు ఏర్పడినప్పటికీ ఒకే ఇంజిన్తో సురక్షితంగా ల్యాండ్ చేసిన పైలట్ మోనికా ఖన్నా, ఫస్ట్ ఆఫీసర్ బల్ప్రీత్ సింగ్ భాటియాపై స్పైస్ జెట్ ప్రశంసలు కురిపించింది. ‘ప్రమాదం జరిగిన సమయంలో కెప్టెన్ మోనికా ఖన్నా, ఫస్ట్ ఆఫీసర్ బల్ప్రీత్ సింగ్ భాటియా ఆందోళన చెందకుండా.. చాకచక్యంగా వ్యవహరించి పరిస్థితి చక్కదిద్దారు. వారు ఎంతో ప్రశాంతంగా ఉండి విమానాన్ని నియంత్రించారు.
Advertisements
వారి నైపుణ్యంతో ఒకే ఇంజిన్ పని చేస్తున్నప్పటికీ విమానం సురక్షితంగా దిగింది. ప్రమాదం తర్వాత ఇంజినీర్లు విమానాన్ని పరిశీలించారు. పక్షి ఢీకొట్టటం వల్ల ఫ్యాన్ బ్లేడ్ విరిగిపోవటం, ఇంజిన్ పాడైపోయినట్లు ధ్రువీకరించారు. దీనిపై డీజీసీఏ విచారణ చేపట్టింది. వారు ఎంతో అనుభవం ఉన్న పైలట్లు. వారి పట్ల మాకు ఎంతో గర్వంగా ఉంది.’ అని పేర్కొన్నారు కెప్టెన్ అరోడా.
