ఆర్ఆర్‌ ఆర్‌ చిత్రంలోని నాటునాటు పాటకు గోల్డెన్ గ్లోబ్ అవార్డు రావడంతో అటు చిత్ర బృందంతో పాటు సినీ అభిమానులు కూడా సంబరాలు చేసుకుంటున్నారని చెప్పవచ్చు. అయితే ఈ క్రమంలో మెగా పవర్ స్టార్ రామ్ చరణ్‌ సతీమణి ఉపాసన కొణిదెల చేసిన ట్విట్ వైరల్ గా మారింది.
చిత్ర బృందంతో కలిసి ఉపాసన కూడా అవార్డుల వేడుకలో పాల్గొన్నారు. ఆమె ఆ కార్యక్రమానికి చీర కట్టులో వచ్చి ప్రత్యేక ఆకర్షణగా నిలిచారని చెప్పవచ్చు. పెళ్లైన చాలా సంవత్సరాలు తరువాత ఉపాసన తల్లి కాబోతున్నారు. మొట్టమొదటి సారి ఆమె తన ప్రెగ్నెసీ గురించి ప్రస్తావిస్తూ చేసిన ట్వీట్ నెట్టింట వైరల్ అవుతోంది.
ఆర్ఆర్ఆర్ టీంతో కలిసి దిగిన ఫోటోలను ఉపాసన సోషల్ మీడియాలో షేర్ చేశారు. ఈ సందర్భంగా ఆమె…”ఆర్ఆర్ఆర్ టీంలో భాగమైనందుకు నాకు చాలా గర్వంగా, ఆనందంగా ఉంది. ఇది దేశం గర్వించదగ్గ విజయం. ఈ ప్రయాణంలో పాలుపంచుకునేలా చేసిన రామ్ చరణ్‌, దర్శకుడు రాజమౌళికి నా ధన్యవాదాలు. అంతేకాకుండా నాతో కలిసి నా బేబీ కూడా ఆ మధురానుభూతిని పొందుతున్నందుకు చాలా సంతోషంగా ఉంది. ఈ క్షణాలు నన్ను భావోద్వేగానికి గురి చేస్తున్నాయి…” అంటూ ఉపాసన ట్వీట్ చేశారు.
ఈ పోస్టు చూసిన మెగా అభిమానులు ఆనందంతో మురిసిపోయారు. ఉపాసనకు కంగ్రాట్స్ చెబుతూ రీట్వీట్స్ చేశారు.
Such an honour to be a part of the #RRR family.
Proudly winning for Indian Cinema #jaihindThank u @AlwaysRamCharan & @ssrajamouli Garu for making me part of this journey.
I’m sooo happy my baby can experience this along with me 🤗❤️
I’m soooooo emotional 🥹 @rrrmovie pic.twitter.com/ng6IXeULBY— Upasana Konidela (@upasanakonidela) January 11, 2023