ప్రముఖ దర్శకుడు రామ్ గోపాల్ వర్మ తన మాటల తీవ్రతను కొనసాగిస్తోన్నారు. మొన్నటివరకు తెలుగుదేశం పార్టీపై ఘాటు విమర్శలు సంధించిన ఆయన ఇప్పుడు తన రూటు మార్చారు.
జనసేన పార్టీపై అస్త్రాలు ఎక్కు పెట్టారు. జనసేన పార్టీ అధినేత పవన్ కల్యాణ్- చంద్రబాబుతో భేటీ కావడంపై తనదైన శైలిలో సెటైర్లు సంధించారు రామ్ గోపాల్ వర్మ. ఇప్పుడు తాజాగా పవన్ కల్యాణ్, నాగబాబు వంతు వచ్చింది. రామ్ గోపాల్ వర్మ ఓ వీడియోను విడుదల చేశారు. దాన్ని తన అధికారిక ట్విట్టర్ అకౌంట్ లో పోస్ట్ చేశారు.
“కొణిదెల నాగబాబు గారు ఆయన అన్నయ్య కి, ఆయన తమ్ముడు కు ముఖ్యమైన వ్యక్తి కావొచ్చేమో కానీ నాకు కాదు. నేను పవన్ కల్యాణ్ మీద కానీ, జనసేన మీద కానీ చేసిన ట్వీట్లు పవన్ కల్యాణ్ అభిమానిగా చేశాను. అవి అర్థంకాకపోవడం నా దురదృష్టం… నాకంటే ఎక్కువ పవన్ కల్యాణ్ దురదృష్టం.
తన అన్నయ్య కాబట్టి ఇలాంటి వారిని సలహాదారులుగా పెట్టుకుంటే పవన్ కల్యాణ్ కు ఎలాంటి ప్రయోజనం కలుగుతుందన్నది ప్రజలే చెబుతారు” అంటూ వర్మ తన వీడియోలో పేర్కొన్నారు.
Hello @Pawankalyan gaaru , Konchem mee bhaijaaan gaarini choosukondi pic.twitter.com/8ih8kgxlDC
— Ram Gopal Varma (@RGVzoomin) January 15, 2023
